मालीका प्रधानमन्त्रीको राजीनामा

लिम्वूवान डट व्लगस्पोट डटकम,काठमाडौं 

बमाको, मंसिर २६ (एएफपी)- यसअघि कू गरिसकेका नेता आमादोउ सानोगोको आदेशमा सैनिकहरुले घरैमा बन्दी बनाएपछि मालीका प्रधानमन्त्री चेइक मोदिबो डियाराले राजीनामा दिएका छन्। उनले राष्ट्रिय टेलिभिजनमा छोटो सम्बोधन गर्दै भने, 'म, चेइक मोडिबो डियारा, आफ्नो सरकारसँगै राजीनामा दिन्छु।' उनले राजीनामाको कारण भने बताएनन्। मालीका प्रधानमन्त्रीलाई सोमबार राति अबेर उनकै निवासमा सैनिकहरुले बन्दी बनाएका थिए। प्रधानमन्त्री पेरिस जाने तयारी गरिरहेको बेला राति करिब १० बजेतिर सैनिक आइपुगेका थिए। उनलाई कारमा राखी काटी सैनिक क्याम्पमा लगिएको थियो। मंगलबार बिहान ३ बजे मालीको राष्ट्रिय टेलिभिजनमाकेही समयमा प्रधानमन्त्रीले घोषणा गर्ने सूचना दिइएको थियो। माली पश्चिम अफ्रिकाको भूपरिवेष्ठत राष्ट्र हो।