जनजाति नेताहरुको एक समूहले आज नयाँ पार्टी घोषणा

लिम्वूवान डट व्लगस्पोट डटकम,काठमाडौं 

जनजाति नेताहरुको एक समूहले आज नयाँ पार्टी घोषणा गरेको छ । एमालेबाट छुट्टीएका नेताहरुको अगुवाइमा अशोक राई नेतृत्वमा पार्टी घोषणा भएको एक महिनापछि आज फेरी राई नेतृत्वमा असन्तुष्ट रहेका जनजाति अगुवाहरुको नेतृत्वमा सामाजिक लोकतान्त्रिक पार्टी घोषणा भएको हो । ७ सदस्यीय अध्यक्ष मण्डल सहित ६३ सदस्यीय समिति रहेको नयाँ पार्टीको नाम सामाजिक लोकतान्त्रिक पार्टी राखिएको छ । यसअघि अशोक राईको नेतृत्वमा संघीय समाजवादी पार्टी घोषणा भएको थियो । सामाजिक लोकतान्त्रिक पार्टीमा चैतन्य सुब्बा, पासाङ शेर्पा, कृष्ण भट्टचन, कुमार राई, महेन्द्र लावती लगायत सहभागी छन् । काठमाडौंको चावहिलस्थित एउटा पार्टी प्यालेसमा एक कार्यक्रमको आयोजना गरी नयाँ पार्टीको घोषणा गरिएको हो ।