स्वाजिल्यान्डमा मिनी स्कर्ट लगाए ६ महिना जेल

लिम्वूवान डट व्लगस्पोट डटकम,काठमाडौं 

मिनी स्कर्टले बलात्कार गर्न उक्साउने भन्दै स्वाजिल्यान्डका महिलाहरुलाई मिनी स्कर्ट लागउन प्रतिबन्ध लगाइएको छ । त्यहाँका महिलाहरुले अटेर गरेर मिनी स्कर्ट लगाएमा ६ महिना जेल सजाय हुने व्यवस्था गरिएको छ । अफ्रिकाको एक मात्र राष्ट्र स्वाजिल्यान्डमा राजाको प्रत्यक्ष शासन रहेको छ । समान अधिकार र सुरक्षाको माग गर्दै गत महिना मान्जिनीमा शहरका महिलाहरुले मिनी स्कर्ट लगाएर प्रदर्शन गरेपछि प्रहरीले मिनी स्कर्ट लगाउननै प्रतिबन्ध गरेको हो । यस्तो लुगाले बलात्कारीको काम सजिलो हुने भएकोले लगाउनै प्रतिबन्ध गरेको प्रहरी प्रवक्ता वेन्डी ल्हेताले बताएका छन् । मिनी स्कर्ट मात्रै नभएर नितम्ब देखिने जिन्स र ट्याङ्क टपहरुमा समेत प्रतिबन्ध लगाइएको छ । स्वाजिल्यान्डमा नै त्यहाँका राजाले युवती वस्त्रहीन भई नाचेको हेर्ने परम्परा भने रहेको छ ।