केन्याको एक जातीय दंगामा कम्तीमा २८ जनाको मृत्यु

लिम्वूवान डट व्लगस्पोट डटकम,काठमाडौं 

नौरोबी - दक्षिणपूर्वी केन्यामा भएको एक जातीय दंगामा कम्तीमा २८ जनाको मृत्यु भएको छ । अज्ञात व्यक्तिहरुले किपाओ गाउँमा गरेको आक्रमणमा २८ जनाको मृत्यु भएको प्रहरी प्रमुख आन्टोनी कामिटुले बताएका छन् । आदिवासी समूहबीचको दंगा ग्रीष्म ऋतुदेखि सुरु भएको थियो । हाल यी दुई समूहबीच थप तनाव बढेको हो । गत अगस्त र सेप्टेम्बर महिनामा भएको जातीय हिंसामा पनि एक सयभन्दा बढीको मृत्यु भएको थियो । तटीय प्रान्तीय प्रहरी प्रमुखले जातीय दंगाको पुष्टि गर्दै मृतकको संख्या बढ्न सक्ने बताएका छन् ।