माओवादीको महाधिवेशन आगामी माघ २० गते हुने

लिम्वूवान डट व्लगस्पोट डटकम,काठमाडौं 

२२ मंसिर,एकीकृत नेकपा माओवादीको महाधिवेशन आगामी माघ २० गते हुने भएको छ । शुक्रवार बिहान प्रधानमन्त्रीको सरकारी निवास बालुवाटारमा बसेको केन्द्रीय कार्यालयको विस्तारित बैठकले माघ २० गते मकवानपुरको हेटौडामा महाधिबेशन गर्ने निर्णय गरेको हो । बैठकले पुष मसान्त सम्ममा सबै जिल्लाको अधिवेशन गरिसक्ने र माघ २० गते केन्द्रीय महाधिवेसन गर्ने निर्णय गरेको एकीकृत नेकपा माओवादीका प्रवक्ता अग्नीप्रसाद सापकोटाले जानकारी दिनुभयो । महाधिवेशन सम्पन्न गर्न केही दिनमै बैठक बसेर कार्यविभाजन सहित समितिहरु गठन गर्ने र नेताहरु देशब्यापी प्रशिक्षणमा पुग्ने माओवादीले जनाएको छ । एकीकृत माओवादीले माघमा महाधिबेशन गर्ने घोषणा गरे पनि स्थान र मितिको टुंगो लगाएको थिएन् ।