फिलिपिन्समा समुद्री आँधीका कारण हजार बढीको मृत्यु

लिम्वूवान डट व्लगस्पोट डटकम,काठमाडौं 

फिलिपिन्सको मिन्डानाओ टापुमा मंगलबार बिहान आएको बोफा नामक समुद्री आँधीमा परी एकसय भन्दा बढीको मृत्यु भएको छ । आँधीका कारण देशका कयौं भागमा जनजीवन अस्तब्यस्त बनेको छ । समुद्री आँधीको प्रभाव क्षेत्र ठूलो रहेकाले हताहतीको संख्या अझै धेरै हुनसक्ने अधिकारीहरुले बताएका छन् । बिबिसीले जनाए अनुसार आँधीले दक्षिणी फिलिपिन्सका अधिकांश शहरका घरहरु भत्केका छन् । त्यस्तै, आँधीको खतराबाट बाच्नको लागि ८७ हजार नागरिकलाई सुरक्षित स्थानमा सारिएको छ । फिलिपिन्सको मिन्डानाओ टापुमा २ सय १० किलोमिटर प्रतिघण्टाको गतिमा आएको बोफा आँधी आज पशचिमी क्षेत्र पलावानतर्फ गइरहेको बताइएको छ। फिलिपिन्सको दक्षिणी क्षेत्रमा गत वर्ष वासी नामक आँधीका कारण १ हजार ५ सय भन्दा बढी मानिसको मृत्यु भएको थियो।