भारतमा महिलालाई मोबाइल बोक्न प्रतिबन्ध

लिम्वूवान डट व्लगस्पोट डटकम,काठमाडौं 

भारतको बिहार राज्यस्थित एक गाउँमा महिलालाई मोबाइल बोक्नमा प्रतिबन्ध लागेको छ । मोबाइल फोनले गाउँको सामाजिक वातावरण बिगारेको ठहर गर्दै बिहारको सुन्दरबारी गाउँ परिषद्ले गाउँका महिलालाई मोबाइल फोन बोक्न नपाउने नियम मात्र बनाएन अटेर गरी मोबाइल प्रयोग गरेमा जरिवाना तिराउने फैसला समेत गरेको छ । गाउँ परिषदको निर्णय अनुसार यदि अविवाहित तरुनीले मोबाइल बोकेमा १० हजार भारु जरिवाना तिुर्नपर्नेछ । तर विवाहित महिलाको हकमा भने जरिवाना रकम धेरै कम अर्थात् २ हजार रुपैयाँ छ । मुस्लिम बाहुल्य रहेको सुन्दरबारी गाउँ पटना भन्दा ३८५ किलोमिटर पूर्वमा पर्छ । मोबाइल फोनका कारण किशोरी तथा युवतीहरु लभको चक्करमा फसेर भाग्ने क्रम बढिरहेको र विवाहित महिलाहरुले समेत दोश्रो पुरुषसँग अवैध सम्बन्ध गाँसिरहेको दाबी गर्दै महिलालाई मोबाइलबाट टाढा राख्ने निष्कर्षमा गाउँ परिषद् पुगेको हो ।