६७ वर्षीय एन्टी भाइरसका प्रमुख गलफ्रेन्डको साथमा पक्राउ

लिम्वूवान डट व्लगस्पोट डटकम,काठमाडौं 

वासिङ्टन - म्याकाफी भाइरस सफ्टवेयर कम्पनीका प्रमुख जोन म्याकाफीलाई इन्टरपोल एजेन्टहरुको सहयोगमा ग्वाटेमालाबाट पक्राउ गरिएको छ । ६७ वर्षीय म्याकाफीलाई २० वर्षीकी गलफ्रेन्ड साम भेनेगाससित पक्राउ गरिएको हो । एक छिमेकीको हत्या गरेको अभियोग लागेपछि उनी यसै साता आफ्नी गलफ्रेन्डसँग ग्वाटेमाला प्रवेश गरेका थिए । गत नोभेम्बर ११ मा बेलिजमा ग्रेगोरी फाउल गोली लागेर मृत अवस्थामा फेला परेका थिए । उक्त हत्याको आरोप रहेकाले म्याकाफीलाई बेलिजमै अथवा अमेरिका सुपुर्दगी गर्न सकिने प्रहरी प्रवक्ता पाब्लो कास्टिल्लोले एपीलाई बताएका छन् । हत्यापछि फरार रहेका म्याकाफीले आफ्ना चार कुकुरलाई पनि गोली हानी मारेका थिए ।