हङकङमा मजदूरदिवस, मजदूरहरुको विशाल र्‍याली

लिम्वूवान डट व्लगस्पोट डटकम,हङकङ
बिश्व मजदूर दिवसको अवसरमा हङकङमा पनि विशाल मजदुर र्‍याली सम्पन्न भयो । भिक्टोरिया पार्कदेखि सेन्ट्रलसम्म भएको विशाल प्रदर्शनलाई हङकङ कन्फेडेरेशन ट्रेड युनियनले (एचकेसीटीयू) संयोजन गरेको थियो । घरेलु मजदूर दास होइनन्, बिश्वका मजदूरहरु एक हौं, अन्तराष्ट्रिय मजदूरदिवस जिन्दावाद जस्ता प्रमुख नारा लगाइएका थिए । र्‍यालीमा नेपाली मजदुरहरुको एवं मजदुरहरुसँग नजीक रहेका संघसंस्थाहरु समेत संलग्न थिए । यात्राभरि पत्रकार, विभिन्न प्रजातान्त्रिक पार्टीका कार्यकर्ताहरुले समेत मजदूरदिवसमा सहभागीता जनाएका थिए । नेपालीहरुको तर्फबाट फियोना हङकङ, ओभरसिज वर्कर्स यूनियन, नेपाली घरेलु कामदार यूनियन, नेपाली कन्ट्रक्सन वर्कर यूनियन र नेपाली जनसरोकार समाजले सहभागिता जनाएका थिए ।
नेपालीहरुले नेपाली माथिको भिस फुकुवा गर, कामदारलाई करारपत्र अनिवार्य लागु गर, समान कामकालागि समान तलब, जातीय भेदभावको अन्त गर, सबैखाले कामदारहरुलाई एमपीएफ लागु गर जस्ता नाराहरु लगाएका थिए । विभिन्न अन्तराष्ट्रिय मजदूर युनियनहरुले ऐक्यवद्धता जनाएको र्‍यालीको नेतृत्व एचकेसीटीयूका महासचिव लि चेक यानले गरेका थिए । विशेषतयः यसपालिको मजदूर दिवसमा न्यूनतम ज्यलादर प्रतिघण्टा ३३ डलर कायम गर । आयश्रोत कम भएकाहरुलाई विशेष सुविधाको प्रवन्ध गर जस्ता नाराहरु पनि लगाइका थिए ।
अपरान्ह २:३० बजेदेखि शुभारम्भ भएको विशाल प्रदर्शन पछि सरकारी भवन रहेको सेन्ट्रल गई विविध मागहरु समेटिएको विरोध पत्र हङकङ सरकारलाई हस्तान्तरण गरेको थियो ।