रेलप्रमुखको आत्महत्या कुदिरहेको रेलको मुनि

लिम्वूवान डट व्लगस्पोट डटकम,काठमाडौं
अमेरिका/ यहाँको मेट्रा नामक एक रेल सेवाका प्रमुख फिलिप पागानोले द्रुत गतिमा कुदिरहेको रेलमुनि कोचेर आत्महत्या गरेका छन्　। अधिकारीहरूका अनुसार उनीमाथि आर्थिक अनियमितताको आरोप लागेको हुनाले छानबिन जारी थियो　। उनी तलबी बिदामा थिए　। उनको भविष्यबारे निक्र्योल गर्न मेट्रा रेलसेवा बोर्डको पदाधिकारीले शुक्रबार अपराह्न भेट गर्ने समय तय गरेका थिए　। प्रहरीले उनको गोजीबाट रेलमा आत्महत्या गर्ने तौरतरिका बताइएको एक निर्देशिका फेला पारेका छन्　। पागानो १९९० यता सिकागो महानगर तथा आसपासका उपनगरीय क्षेत्रमा सेवा पुर्‍याइरहेको मेट्रा नामक सो रेलसेवाका कार्यकारी निर्देशक थिए　।
राज्यका वकिल तथा संघीय अधिकारीले पागानोले सार्वजनिक कोषलाई आफ्नो निजी ढुकुटीमा हाले नहालेकोबारे छानबिन गरिरहेका थिए　। मेट्रा कर्मचारीले गत महिना पागानोले आफ्नो दुई लाख ६९ हजार ६ सय २५ डलर तलबका साथै अनधिकृत रूपमा ५६ हजार डलर बोनस लिएका थिए, तर कम्पनीले बोनस दिने गरेको छैन　।सिकागो टि्रब्युनले उनले आफू रहने गरेको सिकागोको उत्तर-पश्चिमी उपनगरीय क्षेत्रमा रेलमा हामफालेको बताएको छ　। म्याकहेनरी काउन्टीका मार्लिन लान्जले उनको मृत्युको छानबिन भइरहेको भए तापनि यो आत्महत्या नै भएको बताएको थियो　।