बेलायती युवराज्ञीको "टपलेस" तस्बिर सार्वजनिक

लिम्वूवान डट व्लगस्पोट डटकम,काठमाडौं 

बेलायती युवराज्ञी केट मिडटनको टपलेस तस्बिर सार्वजनिक भएपछि बेलायतमा तहल्का मच्चिएको छ । केही समय अघि मात्र बेलायती युवराज ह्यारीको नांगो तस्बिर सार्वजनिक भएको थियो । युवराज्ञीको तस्बिर ‘टपलेस’ सार्वजनिक भएको हो । युवराज्ञी मिडलटनको ‘टपलेस’ तस्बिर फ्रेन्च म्यागेजिन ‘क्लोजर’ ले सार्वजनिक गरेको हो । शुक्रबार युवराज्ञी केटको टपलेस तस्बिर छापिएलगत्तै बेलायतसँगै विश्वभर यो खबरले तहल्का मच्चाएको हो । फ्रेन्च म्यागेजिनले बेलायती राजकुमार विलियम र युवराज्ञी केटका तस्बिरलाई चार पेजमा समेटेर छापेको छ । छापिएका तस्विरमा केट पूरै ‘टपलेस’ देखिन्छिन् । यो तस्बिर छापिएको प्रसंगका विषयमा बेलायती राजपरिवारले विलियम र केटको निजी जीवनमाथि खेलबाड भएको भन्दै असन्तुष्टि जनाएको विभिन्न समाचार संस्थाले उल्लेख गरेका छन् । राजपरिवारले असन्तुष्टि जनाए पनि राजपरिवारबाट औपचारिक रुपमा कुनै पनि प्रतिक्रिया सार्वजनिक भने गरिएको छैन । विभिन्न समाचार संस्थाहरुले उल्लेख गरेअनुसार यी तस्विरहरु बेलायती महारानीका भतिजा लर्ड निलेको फ्रान्सस्थित महलमा छुट्टि मनाउँने क्रममा खिचिएका हुन ।