लिम्वूवान डट व्लगस्पोट डटकम,काठमाडौं
महेन्द्रनगर, २३ मंसिर सिद्धनाथ बहुमुखी क्याम्पसका दुई सहायक प्रमुखलाई विद्यार्थीले २० घन्टासम्म 
बन्धक बनाएका छन् । विद्यार्थीले उनीहरूलाई दिसा-पिसाबका लागिसमेत बाहिर निस्कन दिएनन् । कञ्चनपुर सदरमुकाम, महेन्द्रनगरमा रहेको सिद्धनाथ बहुमुखी क्याम्पसका सहायक क्याम्पस प्रमुखद्वय हरिशचन्द्र भट्ट र राजेन्द्रप्रसाद भट्टलाई स्वतन्त्र विद्यार्थी युनियनको नेतृत्वमा बन्धक बनाइएको हो । स्ववियु सभापति अकिल सिंहको नेतृत्वमा रहेको विद्यार्थी-समूहले आइतबार दिउँसो ३ः३० बजेदेखि सोमबार बिहान ११ बजेसम्म क्याम्पसकै कोठामा बन्धक बनाएका हुन् । हरिशचन्द्र नेपाल प्राध्यापक संघका केन्द्रीय उपाध्यक्षसमेत हुन् । 'सबैलाई बाहिर निस्कन लगाएर हामीलाई थुने,' बन्धक बनेका सहायक क्याम्पसप्रमुख हरिशचन्द्रले भने । दुवैलाई क्याम्पसको 'स्टाफ कक्ष' ५ नं. कोठामा बन्धक बनाइएको थियो । 'दिसा-पिसाबसमेत गर्न दिएनन्,' उनले भने 'ढोकामा ताला लगाए, झ्यालसमेत बन्द गरे ।' बाहिरबाट आएका मान्छेसँग समेत बोलचाल गर्न नदिइएको अर्का बन्धक राजेन्द्रप्रसादले बताए । अकिल सिंहकै नेतृत्वमा रहेको विद्यार्थी-समूहले राति ९ बजे उनीहरूलाई क्याम्पसकै क्यान्टिनमा खाना खान दिएका थिए । राति साढे ९ बजे खाना खाएपछि पनि पुनः उनीहरूलाई थुनियो । 'खाना खाएपछि अर्को कोठामा लगेर राखे,' प्राध्यापक भट्टले भने । साढे ९ बजेपछि उनीहरूलाई क्याम्पस प्रमुखको कार्यकक्ष १ नं. कोठामा लगेर राखिएको थियो । राति पनि उनीहरूलाई त्यहीँ सुत्न लगाइएको थियो । 'घरबाट कपडा मगाएर त्यहीँ सुतेँ,' प्राध्यापक राजेन्द्रले भने । स्ववियु सभापति अकिलसहित तीनजना विद्यार्थी पनि राति उनीहरूलाई कुर्न क्याम्पसमै बसेका थिए । राति बाहिर-भित्र गर्दा समेत उनीहरूले छोडेका थिएनन् । रातभरि सँगै रहेका विद्यार्थीहरू सोमबार बिहान ५ बजे नै उठेर बाहिर निक्लेका थिए । 'उनीहरू बाहिर निस्के, हामीलाई भित्रै थुने,' भट्टले घटनाबारे सुनाए, 'बाहिरबाट घेरिरहेका विद्यार्थीले हामीलाई जिस्क्याइरहे । 'सर, बोतल चाहियो, पिसाब लाग्यो ?' प्राध्यापक, अनेरास्ववियु तथा अन्य विद्यार्थीको दबाबपछि दुवै सहायक क्याम्पस प्रमुखलाई बिहान साढे ८ बजे बाहिर आउन दिएका थिए । कोठाबाट बाहिर आउन दिए पनि क्याम्पस हाताभन्दा बाहिर जान नदिइएको बन्धक बनाइएका सहायक क्याम्पस प्रमुख राजेन्द्रप्रसाद भट्टले बताए । उनीहरूले बिहान साढे ११ बजेपछि मात्रै सहायक क्याम्पस प्रमुखद्वयलाई मुक्त गरेका थिए । आफ्ना मागप्रति वास्ता नगरेकाले क्याम्पसमै थुनेर राखिएको स्ववियु सभापति अकिल सिंहले बताए । 'मागप्रति प्रशासनले ध्यान दिएन । थुन्न बाध्य भयौँ,' उनले भने । स्ववियुले तीन दिनअघि विभिन्न माग राखी क्याम्पस प्रशासनलाई ज्ञापनपत्र दिएको थियो । उनीहरूले दिएको ज्ञापनपत्रमा क्याम्पसका सबै विद्यार्थीलाई १३ प्रतिशत छात्रवृत्ति दिनुपर्ने, शुल्क घटाउनुपर्ने उल्लेख छ । उनीहरूका माग सञ्चाक समितिको बैठकमा राखेर पूरा गर्न पहल गर्ने आश्वासन दिँदा-दिँदै बन्धक बनाइएको सहायक क्याम्पस प्रमुखद्वयले बताए ।
बन्धक बनाएका छन् । विद्यार्थीले उनीहरूलाई दिसा-पिसाबका लागिसमेत बाहिर निस्कन दिएनन् । कञ्चनपुर सदरमुकाम, महेन्द्रनगरमा रहेको सिद्धनाथ बहुमुखी क्याम्पसका सहायक क्याम्पस प्रमुखद्वय हरिशचन्द्र भट्ट र राजेन्द्रप्रसाद भट्टलाई स्वतन्त्र विद्यार्थी युनियनको नेतृत्वमा बन्धक बनाइएको हो । स्ववियु सभापति अकिल सिंहको नेतृत्वमा रहेको विद्यार्थी-समूहले आइतबार दिउँसो ३ः३० बजेदेखि सोमबार बिहान ११ बजेसम्म क्याम्पसकै कोठामा बन्धक बनाएका हुन् । हरिशचन्द्र नेपाल प्राध्यापक संघका केन्द्रीय उपाध्यक्षसमेत हुन् । 'सबैलाई बाहिर निस्कन लगाएर हामीलाई थुने,' बन्धक बनेका सहायक क्याम्पसप्रमुख हरिशचन्द्रले भने । दुवैलाई क्याम्पसको 'स्टाफ कक्ष' ५ नं. कोठामा बन्धक बनाइएको थियो । 'दिसा-पिसाबसमेत गर्न दिएनन्,' उनले भने 'ढोकामा ताला लगाए, झ्यालसमेत बन्द गरे ।' बाहिरबाट आएका मान्छेसँग समेत बोलचाल गर्न नदिइएको अर्का बन्धक राजेन्द्रप्रसादले बताए । अकिल सिंहकै नेतृत्वमा रहेको विद्यार्थी-समूहले राति ९ बजे उनीहरूलाई क्याम्पसकै क्यान्टिनमा खाना खान दिएका थिए । राति साढे ९ बजे खाना खाएपछि पनि पुनः उनीहरूलाई थुनियो । 'खाना खाएपछि अर्को कोठामा लगेर राखे,' प्राध्यापक भट्टले भने । साढे ९ बजेपछि उनीहरूलाई क्याम्पस प्रमुखको कार्यकक्ष १ नं. कोठामा लगेर राखिएको थियो । राति पनि उनीहरूलाई त्यहीँ सुत्न लगाइएको थियो । 'घरबाट कपडा मगाएर त्यहीँ सुतेँ,' प्राध्यापक राजेन्द्रले भने । स्ववियु सभापति अकिलसहित तीनजना विद्यार्थी पनि राति उनीहरूलाई कुर्न क्याम्पसमै बसेका थिए । राति बाहिर-भित्र गर्दा समेत उनीहरूले छोडेका थिएनन् । रातभरि सँगै रहेका विद्यार्थीहरू सोमबार बिहान ५ बजे नै उठेर बाहिर निक्लेका थिए । 'उनीहरू बाहिर निस्के, हामीलाई भित्रै थुने,' भट्टले घटनाबारे सुनाए, 'बाहिरबाट घेरिरहेका विद्यार्थीले हामीलाई जिस्क्याइरहे । 'सर, बोतल चाहियो, पिसाब लाग्यो ?' प्राध्यापक, अनेरास्ववियु तथा अन्य विद्यार्थीको दबाबपछि दुवै सहायक क्याम्पस प्रमुखलाई बिहान साढे ८ बजे बाहिर आउन दिएका थिए । कोठाबाट बाहिर आउन दिए पनि क्याम्पस हाताभन्दा बाहिर जान नदिइएको बन्धक बनाइएका सहायक क्याम्पस प्रमुख राजेन्द्रप्रसाद भट्टले बताए । उनीहरूले बिहान साढे ११ बजेपछि मात्रै सहायक क्याम्पस प्रमुखद्वयलाई मुक्त गरेका थिए । आफ्ना मागप्रति वास्ता नगरेकाले क्याम्पसमै थुनेर राखिएको स्ववियु सभापति अकिल सिंहले बताए । 'मागप्रति प्रशासनले ध्यान दिएन । थुन्न बाध्य भयौँ,' उनले भने । स्ववियुले तीन दिनअघि विभिन्न माग राखी क्याम्पस प्रशासनलाई ज्ञापनपत्र दिएको थियो । उनीहरूले दिएको ज्ञापनपत्रमा क्याम्पसका सबै विद्यार्थीलाई १३ प्रतिशत छात्रवृत्ति दिनुपर्ने, शुल्क घटाउनुपर्ने उल्लेख छ । उनीहरूका माग सञ्चाक समितिको बैठकमा राखेर पूरा गर्न पहल गर्ने आश्वासन दिँदा-दिँदै बन्धक बनाइएको सहायक क्याम्पस प्रमुखद्वयले बताए । 
No comments:
Post a Comment