समलिंगी भएकै कारण केही युवाले करेन्ट लगाएर

लिम्वूवान डट व्लगस्पोट डटकम,काठमाडौं

समलिंगी भएकै कारण सुनसरीको सोनापुर बस्ने एक महिलालाई आफन्तसहित केही युवाले करेन्ट लगाएर चरम यातना दिएका छन् । झापाको काँकडभिट्टा घर भई सोनापुर गाविस-२ स्थित दिदीभिनाजुको घरमा बस्दै आएकी रिता प्रधानलाई करेन्ट लगाएर यातना दिइएको हो । घरिघरि आफ्नो घरमा आएको भन्दै दिदीभिनाजु तथा स्थानीय युवाले उनलाई कुटपिट गर्नुका साथै करेन्ट लगाएका हुन् । चरम यातना पाएकी प्रधानको विराटनगरमा उपचार भइरहेको इलाका प्रहरी कार्यालय दुहबीका प्रहरी निरीक्षक भद्रमान मोतेले बताए । प्रहरीका अनुसार उनलाई भिनाजु विकास राई तथा युवाहरू सुमन राई, राजेश चौधरीलगायतले मंगलबार राति यातना दिएका हुन् । कुटपिट गरेको जानकारी आए पनि करेन्ट लगाएको विषयमा अनुसन्धान भइरहेको पनि मोतेले जानकारी दिए ।