मोटी युवतीहरूको सामूहिक टीकोटालो

लिम्वूवान डट व्लगस्पोट डटकम,काठमाडौं

बेइजिङ/ गत साता चीनको दक्षिणी प्रान्त ग्वाङडोङको राजधानी ग्वाङझाऊमा नौजना थसुल्ली युवतीहरूको सामूहिक टीकोटालो भएको छ । ग्वाङझाऊ दैनिक समाचारपत्रले जनाएअनुसार ग्वाङझाऊमा यस प्रकारको यो पहिलो घटना हो । चीनकी सबैभन्दा बढी मोटी मोडेल भनेर चिनिएकी जेङजिङले पनि 'इन्गेजमेन्ट' गरिन् । उनको तौल एक सय १० किलोग्राम छ । बिहेको पोसाक उनी आफैँले डिजाइन गरेकी छिन् । अन्य आठवटी युवती देशभरिका दुई सय ४६ जना उम्मेदवारमध्येबाट छानिएका हुन् । सबैजनाको वजन ७५ किलोग्रामभन्दा माथि छ । यी युवती यस अवसरलाई धेरै बढी मोटाहरूका समस्यालाई जोड दिन चाहन्छन् । साथै बढी तौल हुँदाहुँदै पनि मोटाहरूमा पनि प्रशन्न चित्त रहन सक्ने क्षमतालाई प्रोत्साहित गर्नमा उपयोग गर्न चाहन्छन् ।