नेम्वाङद्वारा प्रधानमन्त्रीसहित शीर्ष नेताहरुसँग छलफल गर्दै

लिम्वूवान डट व्लगस्पोट डटकम,काठमाडौं

वैशाख १६ - संविधान निर्माणमा देखिएको गतिरोध फुकाउन संविधानसभाका अध्यक्ष सुवासचन्द्र नेम्वाङले आज साँझ प्रधानमन्त्रीसहित तीन दलका शीर्ष नेताहरुसँग छलफल गर्दैछन् । नेम्वाङले सिंहदरवारस्थित सभामुखको कार्यकक्षमा प्रधानमन्त्री झलनाथ खनालसित छुट्टै भेट्ने कार्यक्रम छ । यसैगरी सभाध्यक्ष नेम्वाङले प्रधानमन्त्री एवं एमाले अध्यक्ष खनालसहित माओवादी अध्यक्ष पुष्पकमल दाहाल र कांग्रेस संसदीय दलका नेता रामचन्द्र पौडेलसँग छलफल गर्ने छन् । नेम्वाङले संवैधानिक समितिमा साना पार्टीहरुको अवरोध, संविधान निर्माणको समयसीमा, सरकारले ल्याउन लागेको अग्रिम बजेटमा प्रतिपक्षी दलको अवरोध चेतावनीलगायतका विषयमा छलफल हुने बताइएको छ ।