संविधानप्रति संघीय मञ्च र सम्बद्ध परिषदहरूको ध्यानाकर्षण

लिम्वूवान डट व्लगस्पोट डटकम,काठमाडौं/डीबी आङ्बुङ

धरान, लिम्बुवान १६ बैशाख २०६८, संघीय लोकतान्त्तिक राष्ट्रिय मञ्चको सचिवालयको बैठक मिति २०६८ बैशाख १६ गते मञ्चका अध्यक्ष इन्द्रहाङ खम्बूको अध्यक्षतामा धरान लिम्बुवानमा सम्पन्न भयो । संविधान सभाको थपिएको १ वर्षो समयसीमा २०६८ जेष्ठ १४ मा सकिँदै गरेको र अर्कोतिर शान्तिप्रक्रिया र संविधान बन्नेक्रम् झनझन धरापमा पर्दै गएको अवस्थामा संघीय लोकतान्त्रिक राष्ट्रिय मञ्च (संघीय लिम्बुवान राज्य परिषद्, खम्बुवान स्वायत्त राज्य परिषद्, तामाङसालीङ स्वायत्त राज्य परिषद्लगायत)को गम्भीर ध्यानाकर्षण भएको बैठकपछि प्रेसित एक विज्ञप्तिमा जनाइएको छ । मञ्चका अध्यक्ष इन्द्रहाङ खम्बू र महासचिव खगेन्द्र माखिमद्वारा संयुक्त रुपमा प्रेसित विज्ञप्तितमा संविधान सभाको थपिएको समयसीमाभित्र शान्तिप्रक्रिया टुङ्गोमा पुग्नुपर्दछ र संविधान सभाबाट संविधान बन्नुपर्दछ भन्ने मञ्चको निर्णय रहेको उल्लेख छ । अहिलेका सत्ताधारी ठूला भनाउँदा दलहरू सङ्क्षिप्त संविधानको कुरा गरिरहेको र यो सङ्क्षिप्त संविधान देश र जनताको लागि धोका हुने ठहर गर्दै त्यसप्रति संघीय मञ्चले कडा आपत्ति जाहेर गरेको छ । साथै, मञ्चले शान्तिप्रक्रिया टुङ्गोमा पुर्‍याउन र समयसीमाभित्र संविधान घोषणा गर्न गराउन तत्काल मित्र शक्तिहरूसँग छलफल गरी संयुक्त आन्दोलनको कार्यक्रम घोषणा गर्नेसमेत निर्णय गरेको छ । शान्ति र संविधानको नाममा नेपाली कांग्रेसले गरिरहेको कथित् शान्तिसभा संघीयता, शान्तिप्रक्रिया र संविधान समयमै जारी नगर्ने षडयन्त्रपूर्ण कार्यक्रम भएकोले तमाम जनताहरू त्यसबाट भ्रममा नपर्न पनि अपील गरिएको छ ।

निर्वाचन आयोग, नेपालले गरिरहेको फोटोसहितको मतदाता नामावली सङ्कलन कार्यक्रम मुलुकको वर्तमान राजनीतिक परिस्थिति अनुकूल नभएको, संघीयता र लिम्बुवान, खम्बुवान, तामाङसालीङ, थरुहटलगायतका स्वायत्त राज्यहरूको लागि बाधक एकात्मकवादी शैलीको भएकोले यो फोटोसहितको मतदाता नामावली सङ्कलन कार्यक्रम् तत्काल रोक्नसमेत संघीय लोकतान्त्रिक राष्ट्रिय मञ्चले सो प्रेस विज्ञप्तिमार्फ् आग्रह गरेको छ ।