News

Apr 27, 2011

इन्द्रबहादुर राईबाट हङकङमा दीप्स शाहको कृति "आगो" को बिमोचन

लिम्वूवान डट व्लगस्पोट डटकम,हङकङ/विनय शाह
२४ अप्रिल २०११,नेपाली साहित्यका धरोहर, समालोचक, तेस्रो आयामका अभियन्ता तथा साहित्यकार वरिष्ठ इन्द्रबहादुर राईबाट नेपाली महिला साहित्यका शसक्त हस्ताक्षर दीप्स शाहको दोस्रो कृति “आगो” को एक कार्यक्रम वीच बिमोचन कार्य सम्पन्न भयो । “आगो” को बिमोचन गर्दै साहित्य लेख्दा सबैभन्दा पहिला कबिता नै लेखिन्छ र नेपाली साहित्यमा कबिता लेखनको थालनी झन्डै १५०-२०० बर्ष पहिला भएको हो भन्दै वसन्त शर्मा, भानुभक्त, रघुनाथ भट्ट, लेखनाथ, बालकृष्ण सम, मोहन कोइराला हुँदै आज दीप्स शाह पनि एक भएकी छिन । पुस्तकमा समेटिएका कविताहरु मीठा छन कवियत्री शाहको प्रशंसा गर्दै राइले थपे । कार्यक्रममा बोल्दै नेपाली साहित्य प्रतिष्ठानका अध्यक्ष टंक सम्हाम्फेले दीप्स शाह सँग आफ्नो धेरै अगाडि देखिको साहित्य सम्बन्ध स्मरण गर्दै उनको कविताहरु पढ्दा आफुलाई निकै उत्कृष्ट लागेको र अहिलेको नयाँ धारमा कविता सिर्जेको पाएको बताए । ठकुरी समाज हङकङका अध्यक्ष बिनय शाहले उपश्थित सम्पूर्ण साहित्य अनुरागीहरूलाई कार्यक्रममा स्वागत गर्दै वरिष्ठ साहित्यकार इन्द्रबहादुर राईज्यूको हातबाट दीप्स शाहको कृति बिमोचन गराउने सुअवसर पाएकोमा आफू तथा हङकङबासी सम्पूर्ण ठकुरी परिवार गौरवम्भित भएको बताए । पुस्तक लेखिका दीप्स शाहले पनि आफ्नो दोस्रो कृति “आगो” को नेपाली बाङगमय क्षेत्रका धरोहर इन्द्रबहादुर राईज्यूबाट भएको पाउदा आफ्ना नयनहरू हर्षले रसाएका छन् भन्दै आफूसंग धन्यवादका लागि शब्द नभएको र यस प्रकारको कार्यक्रमले भविष्यमा अझै बढि साहित्य शिर्जनामा लाग्न प्रेरणा मिलेको बताईन । ईजरायलमा रहेकी नेपाली महिला साहित्यकार दीप्स शाहको कृति हङकङमा भारतबाट आउनु भएका नेपाली साहित्यका बरिष्ठ साहित्यकार इन्द्रबहादुर राईज्यूबाट बिमोचन हुनु प्रवासमा रहेका नेपालीहरूको आफ्नो भाषा प्रतिको प्रेम दर्साउंछ भन्दै यस प्रकारको कार्यक्रम सञ्चालन गर्दा आफूलाई खुशीलागेको कार्यक्रम सञ्चालक तथा हङकङ नेपाली साहित्यका चर्चित रेखाकवि देश सुब्बाले बताए । नेपाली साहित्य प्रतिष्ठान हङकङ आयोजक तथा ठकुरी समाज हङकङ सह आयोजक रहेको उक्त कार्यक्रम को अफिशियल मिडिया नेप्सटाइम डटकम रहेको थियो । फोटो: प्रताप मल्ल

No comments: