श्री सत्य साइबाको ८५ वर्षमा पुट्टापर्थीमा निधन

लिम्वूवान डट व्लगस्पोट डटकम,काठमाडौं

वैशाख ११ - भारतीय धर्म गुरु श्री सत्य साइबाको ८५ वर्षमा पुट्टापर्थीमा निधन भएको छ । उनलाई लामो समयदेखि अस्पतालमा भर्ना गरिएको थियो । आइतबार विहान साढे ७ बजे आफैंले स्थापना गरेको हायर मेडिकल साइन्समा निधन भएको हो । मुटु मृगौला लगायत अंगमा समस्या भएपछि उनी झण्डै एक महिना अघिदेखि अस्पताल भर्ना भएका थिए । साइबाबाको पार्थीव शरिरलाई अन्तिम श्रद्धान्जली दिन गृह नगर पुट्टापर्ती आश्रम स्थित राखिने भारतीय संचार माध्यमहरुले जनाएका छन् । सर्वसाधारणले भने आइतबार साँझबाट अन्तिम श्रद्धान्जली अर्पण गर्न सक्नेछन् । सत्य साइबाबाको नामले परिचित उनी सन् १९१८ मा निधन भएका सिडी साइको अवतारका रुपमा लिइन्छ ।बाल्याकालदेखि नै चमत्कारीक प्रर्दशन गर्दै आएका साइबाबाले स्थापना गरेको सत्य साइ ट्रष्टले पछिल्लो समय स्वास्थ्य, शिक्षा लगायत सामाजिक कार्यक्रममा करोडौं खर्च गर्दै आएको थियो । यसैबीच साइबाबाको निधनको खबरबाट उनका भक्तजन शोकमा डुबेका छन् । उनको निधनमा भारतीय प्रधानमन्त्री मनमोहनसिंह, सोनीया गान्धि, नरेन्द्र मोदी लगायतका नेताहरुले शोक वक्तव्य दिएको भारतीय संचारमाध्यमले जनाएको छ ।