लिम्वूवान डट व्लगस्पोट डटकम,काठमाडौं/डीबी आङ्बुङ
धनकुटा, लिम्बुवान ९ बैशाख २०६८,लिम्बुवानको पश्चिमी क्षेत्र धनकुटाको समग्र भूभागलाई संघीय लोकतान्त्रिक गणतन्त्रात्मक धर्मनिरपेक्ष राज्य नेपालअन्तर्गत जातीय पहिचान र ऐतिहासिक पृष्ठभूमिको आधारमा स्वशासन र आत्मनिर्णयको अधिकारसहितको लिम्बुवान स्वायत्त राज्यभित्र पर्ने गरी संवैधानिक रुपमा लिम्बुवान राज्यको सुनिश्चित गर्न आन्दोलनरत् राजनीतिक सङ्गठन संघीय मञ्च सम्बद्ध लिम्बुवानले यही २०६८ बैशाख ८ गते धनकुटा बजारमा एक विशाल लिम्बुवानी आमसभा गर्दै ९ गते जिल्ला सम्मेलन गरेर नयाँ नेतृत्व चयन गरी घोषणा-पत्रसमेत जारिगरेको छ ।
संघीय लोकतान्त्रिक राष्ट्रिय मञ्चसम्ब्द्ध संघीय लिम्बुवान राज्य परिषद जिल्ला कार्य समिति धनकुटाले धनकुटाको सदरमुकाम धनकुटा बजारमा गरेको उक्त आमसभा परिषदका केन्द्रीय अध्यक्ष कुमार लिङ्देन 'मिराक' को प्रमुख आतिथ्यमा सम्पन्न भएको थियो । आभसभालाई संघीय लोकतान्त्रिक राष्ट्रिय मञ्चका अध्यक्ष मण्डल सदस्य विष्णु तुम्बाहाङ्फे र्राई, लिम्बुवानका उपाध्यक्ष ज्ञानबहादुर गुरुङ, महासचिव सूर्य माखिमलगायतले सम्बोधन गर्नुभएको थियो । आमसभामा लिम्बुवान एलभीहरूले शारीरिक कलासमेत प्रदर्शन गरेका थिए ।
बैशाख ९ गते धनकुटा बजारमै सम्पन्न बन्दसत्रले लोकतान्त्रिक पद्धतिबाट धनकुटा जिल्ला कार्य समितिको नयाँ नेतृत्वसमेत र्सवसम्मतीले निर्वाचित गरेको छ । नवनिर्वाचित अध्यक्षमाः देवनारायण लावती, प्रथम उपाध्यक्षः जितेश याक्खा, द्वीतीय उपाध्यक्षः चक्रबहादुर कटुवाल र सचिवमा कमलसिङ् तिगेला रहनुभएको छ । त्यसैगरी, आर्थिक सचिवमा जगत लिम्बू, तुम्याहाङ सचिवः हरिबहादुर इवा, अनुशासन सचिवः धनाहाङ लिम्बू, एलभी सचिव गंगाहाङ तिगेला, सूचना तथा सञ्चार सचिव गुरुप्रसाद लिम्बू, महिला सचिव सरकुमारी आठपहरिया, जनसंगठन सचिव छत्र इङनाम र प्रशिक्षण सचिवमा गंगाप्रसाद लिम्बू चुनिनुभएको छ । यसैगरी, धनकुटा जिल्ला कार्य समिति सदस्यहरूमा दिपा निङ्लेकू, मेनुका आठपहरिया, प्रमिला लुम्बा, झडेन्द्र खतिवडा, देवी लिम्बू, राजकुमार लिम्बू, हेमबहादुर लिम्बू, डिल्लिराम वनेम, सुवास र्राई, बालकुमार चोङ्बाङ, मिलन र्राई र नरबहादुर अधिकारी रहनु भएको छ ।
संघीय मञ्चसम्बद्ध संघीय लिम्बुवान राज्य परिषद जिल्ला कार्य समिति धनकुटाको जिल्ला सम्मेलनले जारी गरेको लिम्बुवानी धनकुटा घोषणा-पत्र निम्न वमोजि रहेको छ-
१. ऐतिहासिक पृष्ठभूमिको आधारमा आई. एल. ओ. महासन्धि नं. १६९ र आत्मनिर्णयको अधिकारसहितको संघीय लोकतान्त्रिक गणतन्त्र धर्मनिरपेक्ष नेपालअर्न्तर्गत सङ्खुवा-अरुण-सप्तकोशीपूर्व नौ जिल्लाहरूलाई लिम्बुवान स्वायत्त राज्य घोषणा गरियोस् । यो लिम्बुवानी आन्दोलनमा धनकुटा जिल्लाले अग्रणी भूमिका खेल्नेछ ।
२. धनकुटा जिल्लाका सबै सरकारी/गैरसरकारी निकाय र विकास निर्माणमा आदिवासी, दलित, महिला एवम् अन्य जातिहरूलाई समानुपातिक सहभागिता गरिनुपर्दछ ।
३. मिशन ग्रिन लिम्बुवानअर्न्तर्गत् धनकुटा जिल्ला र समग्र लिम्बुवानलाई अर्गानिक लिम्बुवान बनाउन मञ्चसम्बद्ध संघीय लिम्बुवान राज्य परिषद धनकुटाले पहल गर्नेछ ।
४. ''धनकुटा जिल्ला टुक्राउन हुँदैन र समग्र धनकुटा ऐतिहासिक लिम्बुवान राज्यमै रहनुपर्दछ'' भन्ने मञ्चसम्बद्ध संघीय लिम्बुवान राज्य परिषदअर्न्तर्गत् संघीय आठपहरिया स्वायत्त परिषदको आवाजलाई जोडदार र्समर्थन गरिन्छ ।
५. धनकुटा जिल्लामा कार्यरत सबै राजनीतिक पार्टीहरूलाई अरुणपूर्व नौ जिल्ला लिम्बुवान स्थापना गर्न र धनकुटा जिल्लालाई टुक्रन नदिने आन्दोलनमा सहभागी गराउन सबै पार्टीहरूसँग छलफल/बहस अघि बढाइनेछ ।
६. मञ्चसम्बद्ध संघीय लिम्बुवान राज्य परिषद धनकुटाको जिल्ला समितिमा सबै जाति, वर्ग र लिङ्गलाई सहअस्तित्वको आधारमा समेट्ने प्रतिवद्धता जाहेर गर्दछ ।
७. मञ्चसम्बद्ध संघीय लिम्बुवान राज्य परिषद धनकुटाले एकवर्षभत्रमा दशहजार लिम्बुवानी क्रियाशील सदस्य बनाउने प्रण गर्दछ ।
८. सम्पूर्ण लिम्बुवानवासीहरूले पाँचवटा रुख र एउटा फूल रोप्ने अधियानअर्न्तर्गत धनकुटाका सबै सरकारी कार्यालय र विद्यालयहरूमा फूल रोप्ने र शौचालयन बनाउने कार्यलाई तीब्रताका साथ अघि बढाइनेछ ।
९. धनकुटा जिल्लामा हुने सबै प्रकारका भ्रष्टाचार र अनियमितताको विरुद्धमा साहसका साथ आवाज उठाइनेछ । धनकुटामा उठेको राजश्व कर धनकुटामै लगानी हुनुपर्दछ ।
१०. पहिले संघीयता र अरुणपूर्व नौ जिल्ला लिम्बुवानको स्थापना भएपछि मात्र निर्वाचन हुनपर्दछ । त्यसैले, अहिले एकात्मक मतदाता नामावली सङकलन कार्य तुरुन्त बन्द गर ।
उपरोक्त लिम्बुवानी धनकुटा घोषणा-पत्रमा संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषद धनकुटा जिल्ला कार्य समितिका अध्यक्ष देवनारायण लावतीको हस्ताक्षर रहको छ।
No comments:
Post a Comment