News

Apr 28, 2011

माओवादी बैठक सकियो / दाहाल अडानमा यथावत्

लिम्वूवान डट व्लगस्पोट डटकम,काठमाडौं
वैशाख १५ - माओवादी अध्यक्ष पुष्पकमल दाहाल तत्काल जनविद्रोह स्थगन गर्ने अडानमा यथावत् रहेका छन् । केन्द्रीय समिति बैठकमा प्रस्तुत प्रतिवेदनमा सदस्यहरुले उठाएका जिज्ञासाको जवाफ दिंदै दाहालले शान्ति र संविधानको कार्यभार पूरा गर्ने अडानबाट पछि नहट्ने बताए । दाहालले जनविद्रोहको नीतिलाई निरन्तरता दिने अर्का उपाध्यक्ष मोहन वैद्यको फरक मतको भावनालाईमात्र समेट्ने टिप्पणी गरेको स्रोतले बताएको छ । सदस्यहरुको जिज्ञासाको जवाफ दिंदै दाहालले जेठ १४ मा कम्तिमा संविधानको मस्यौदा तयार गर्न पार्टीले सवै शक्ति खर्च गर्नुको विकल्प नरहेको बताएका छन् । उनले सेना समायोजनको 'मोडालिटी' बनाएर अघि बढे कम्तिमा प्रक्रिया सुरु हुने बताए । वैद्यले भने शुक्रबारमात्र फरक मतबारे जवाफ दिने उनी निकट स्थायी समिति सदस्य देव गुरुङले जानकारी दिए । एक सातादेखि पार्टी मुख्यालय पेरिसडाँडामा जारी बैठकमा शुक्रबार नेताहरुले बोल्नेक्रम सकिएको छ ।

No comments: