लिम्बुवान प्राज्ञिक परिषद् अवधारणा

लिम्बुवान प्राज्ञिक परिषद् अवधारणा(Limbuwan Intelectual Council)
गौरवशाली इतिहास भएको लिम्बुवानबासी हामी लिम्बूहरु कथित एकीकरणको नाममा आफ्नै भूमि लिम्बुवानमा शासित जनजातिको रुपमा दोस्रो दर्जाको नागरिक भएर रहनुपरेको छ । एकल जातीय केन्द्रिकृत शासन प्रणालीका कारण हामी तमाम भूमिपुत्र आदिवासी लिम्बूहरुको आफ्नै भूमि लिम्बुवानमा अस्तित्व र पहिचान सङ्कटमा परेको छ । हाम्रा वीर सहिद काङ्सोरेहरुको इतिहास कतै पनि लिखिएको छैन । हाम्रो फक्ताङ्लुङ आज कुम्भकर्ण हुन पुगेको छ । हाम्रा राजनैतिक प्रशासनिक संरचनाहरु, दश लिम्बुवान र सत्रथुम आज अस्तित्व विहीन भएका छन् । तमाम भूमिपुत्र आदिवासी जनजाति र अन्य उत्पीडित जातिहरुको बलिदानीपूर्ण सङ्घर्षका कारण एकल जातीय केन्द्रिकृत शासन प्रणाली अब स्वायत्त सङ्घीय राज्य प्रणालीमा रुपान्तरण हुन सहमत भएको छ । नेपालजस्तो बहुजातीय, बहुभाषिक र बहुसांस्कृतिक मुलुकमा जातीय, भाषिक, सांस्कृतिक वा भौगोलिक / क्षेत्रीय आधारहरु नै सङ्घीय संरचनाका सशक्त आधारहरु हुन् । यिनै आधारहरु र ऐतिहासिक पहिचानसहित स्वायत्त लिम्बुवान राज्यको स्थापना निर्विकल्प छ । स्वायत्त लिम्बुवान राज्यलाई अझ सशक्त र प्रभावशाली बनाउन तमाम लिम्बुवानबासी वौद्धिक समुदाय एकत्रित हुन जरुरी छ ।
लिम्बुवान प्राज्ञिक परिषद्को उद्देश्य र कार्यक्षेत्र
- लिम्बुवानसम्बन्धी सरोकार राख्ने र अन्य सम्पूर्ण सामाजिक सङ्घसंस्था र राजनैतिक पार्टीहरुसँग सर्म्पर्क गर्ने र आवश्यकता अनुसार अन्तरक्रिया र सहकार्य गर्ने ।
- स्वायत्त लिम्बुवान राज्यको विकास र स्थायित्वका लागि बौद्धिक समूहको हैसियतले गर्नुपर्ने जिम्मेवारी निर्वाह गर्ने ।
-आवश्यकता अनुसार लिम्बुवान राज्य सञ्चालन र नीति निर्माणमा उचित भूमिका निर्वाह गर्ने ।
लिम्बुवानमा भइरहेका राजनैतिक, सामाजिक, आर्थिक र सांस्कृतिक सङ्क्रमण रोक्न रचनात्मक भूमिका निर्वाह गर्ने ।
-लिम्बुवानमा सृजना हुने कुनै पनि सामाजिक वा राजनैतिक विवादहरु निवारण गर्न आवश्यक महसुस भएमा मध्यस्तकर्ता वा समन्वयकारीको भूमिका निर्वाह गर्ने ।
-अन्य स्वायत्त राज्यहरुको प्राज्ञिक समूहहरुसँग वा केन्द्रीय प्राज्ञिक परिषद् / समाजसँग सम्बन्ध स्थापना गर्ने र आवश्यकताअनुसार सहकार्य गर्ने ।
लिम्बुवान प्राज्ञिक परिषद्को संरचना
-केन्द्रीय स्तरको एक सल्लाहकार समिति / परिषद् हुनेछ ।
-केन्द्रीय कार्यकारी परिषद् हुनेछ ।
-केन्द्रीय कार्यकारी परिषद्को विभिन्न शाखाहरु हुन सक्नेछ ।
-दश लिम्बुवान अर्न्तर्गत क्षेत्रीय प्राज्ञिक परिषद्हरु हुनेछन् ।
-सल्लाहकार, केन्द्रीय कार्यकारी परिषद् र क्षेत्रीय कार्यकारी परिषद्का पदाधिकारीहरुको चयन विधानबमोजि हुनेछ ।
-आवश्यक सल्लाह र सुझाव दिएर यस अवधारणापत्रलाई पूर्ण रुप दिन यहाँहरुबाट अमूल्य सहयोग हुने विश्वासका साथ

डा.युवराज तेयुङ लिम्बू yrlimbu@yahoo.com
विक्रम सुब्बा ingwaba2005@gmail.com
बालकृष्ण माबुहाङ, chumlung@wlink.com.np
नविन सुब्बा nabinsubba@hotmail.com
अर्जन लिम्बू chumlung@wlink.com.np
शङ्कर सुब्बा
रमेशकुमार लिङ्देन canvasbhs@yahoo.com
कमल थोक्लिहाङ kthoklihang@yahoo.com
अमर तुम्याहाङ amartumyahang@yahoo.co.uk