छठ पर्वको ब्रत आजदेखि सुरु

लिम्वूवान डट व्लगस्पोट डटकम,काठमाडौं
तराइवासीहरुले सूर्यको पूजाअर्चना गरेर मनाउने महापर्व छठ आज आइतबारदेखि सुरु भएको छ । कात्तिक कृष्ण चतुर्थीदेखि सप्तमीसम्म मनाइने छठको पहिलो दिन आज नहायखाय अर्थात अरबा अरबाइन हो । ब्रतालुहरुले आजैदेखि चार दिनसम्म माछा, मासु, लसुन, प्याज, कोदो र मुसुरोका दाल नखाने चलन रहेको छ ।नङ काटी र नहाइधोइ गरी आजदेखि नै उनीहरु चोखा भएर बस्ने गर्दछन् । यसैगरी, पर्वको दोस्रो दिन खरना गरिन्छ । भोलि दिनभर उपवास बसेर साँझपख चन्द्रमालाई खिर चढाइन्छ र त्यही खिर व्रतालुले खाने गरिन्छ ।आउँदो मंगलबार षष्ठीको दिन अस्ताउँदो सूर्यलाई अर्घ्य दिइने छ भने त्यसको भोलिपल्ट उदाउँदो सूर्यलाई अर्घ्य दिएपछि छठ समाप्त हुनेछ । यसैबीच, सम्पूर्ण तराइ सहित सहित काठमाडौमा छठको तयारी र पूजास्थल घाटको सरसफाई गर्ने कार्य शुरु भइसकेको छ ।