आदिवासी जनजाति साँस्कृतिक महोत्सव तानसेनमा शुरु

लिम्वूवान डट व्लगस्पोट डटकम,काठमाडौं

आदिवासी जनजाति साँस्कृतिक महोत्सव २०६५ आज आइतबारदेखि पाल्पाको तानसेनमा शुरु भएको छ । २८ गते सम्म चल्ने महोत्सवको २० गते प्रधानमन्त्री पुष्पकमल दाहाल प्रचण्डले उद्घाटन गर्ने कार्यक्रम रहे पनि आजैबाट गोष्ठी शुरु भएको छ । महोत्सवमा नेपालमा रहेका ५९ वटा जनजातिहरुका झाँकी, स्थानीय समुदायका नाच, झाँकीहरु देखाइने आयोजकले जनाएको छ । जातीय स्वायतत्ता र आत्मनिर्णयको अधिकार स्वाधीन, संघीय र सम्वृद्ध नेपाल निर्माणको मूल आधार भन्ने नारासहित शुरु भएको महोत्सवमा ५ वटा गोष्ठी, नमुना सभासद बैठक राखिएको छ । महोत्सव अन्तर्गत २३ देखि २७ सम्म बस्ने नमुना सभासद् बैठकले आदिवासी जनजातिको संविधानमा हक अधिकार सुनिश्चत गर्नका लागि पाल्पा घोषणापत्र तयार गरिने नेपाल अदिवासी जनजाति महासंघले जनाएको छ ।