वाणिज्य बैंकका गार्डको हत्या ४० लाख लुट

लिम्वूवान डट व्लगस्पोट डटकम,काठमाडौं
एक अज्ञात समूहले सिन्धुलीस्थित राष्ट्रिय वाणिज्य बैंकका गार्डको हत्या गरी आइतबार राति बैंकको ४० लाख रुपैंया लुटेको छ । प्रहरीका अनुसार बैंकका गार्ड गणेश श्रेष्ठको धारिलो हतियार प्रयोग गरी घाँटी रेटेर हत्या गरिएको छ । उनको साथमा बन्दुक बैंक भवन पछाडि लगेर फालिएको थियो । ४३ वर्षीय श्रेष्ठ सर्लाहीको जब्दी गाविसका हुन् ।निमित्त प्रहरी नायब उपरीक्षक भिमकिरण बोगटीका अनुसार लुटेराहरुले लगेको रकममध्ये ३ लाख रुपैंया बैंक आसपासबाट बरामद गरिएको छ । लोडसेडिङको मौका छोपेर बैंकमा लुट भएको हो । लुटिएको सय र ५० का पुराना नोट भएको बैंकले जनाएको छ ।प्रवन्धक विष्णुहरि खड्काका अनुसार मुख्य ढुकुटी लुटेराहरुले फोर्न नपाएको र दराजमा रहेको रकममध्ये पुराना नोट मात्र लगेका र अन्य कुनै सामान लगेका छैनन् । लुटेरा समूहको खोजीका लागि टोली परिचालन गरिएको प्रहरीले जनाएको छ । लुट्ने कुनसमूह हो भन्ने खुलेको छैन । प्रहरीले भने लुटेराहरु स्थानीय हुनसक्ने अनुमान गरेको छ ।