एकता केन्द्र मसाल आजदेखि सार्वजनिक

लिम्वूवान डट व्लगस्पोट डटकम,काठमाडौं

माओवादीसँग एकताको तयारीमा रहेको एकता केन्द्र मसाल आजदेखि सार्वजनिक भएको छ, जसअनुसार पत्रकार सम्मेलन गरी आफ्नो केन्द्रीय कमिटी सार्वजनिक गरेको छ । सार्वजनिक गरिएको सो पार्टीको पोलिटव्यूरोमा प्रकाश, नरबहादुर कर्माचार्य, अमिक शेरचन, स्वनाम, गिरिराजमणि पोखरेल, दिलबहादुर श्रेष्ठ, निनु चापागाईं, भीमप्रसाद गौतम, लीलामणि पोखरेल रहेका छन् । पार्टीको वैधानिक मोर्चा जनमोर्चा मार्फत् क्रियाशील यस पार्टीका अधिकांश सदस्यहरूले अहिले पार्टीका नाममा सार्वजनिक भएका हुन् । सार्वजनिक भएको केन्द्रीय कमिटीका सदस्यहरूमा घनश्याम पौडेल, विश्वनाथ साह, रामकुमार यादव, दीपबहादुर योञ्जन, धर्मचन्द्र लावती, विश्वभक्त दुलाल (आहूति), ईश्वरी भट्टराई, शशि श्रेष्ठ, प्रल्हाद बुढाथोकी, कमानसिंह लामा रहेका छन् । त्यस्तै अन्य सदस्यहरूमा डीआर पौडेल, कर्णध्वज केसी, पेशल खतिवडा, राजू खडका, किसन शर्मा, प्रकाश पोखरेल, अञ्जना विसंखे, दावा लामा, जगत सार्की र माधव कोइराला छन् । देवेन्द्रलाल श्रेष्ठ र अम्बर सल्लाहकारमा रहेका छन् । मा‌ओवादी र यस केन्द्रीय कमिटीलाई एक बनाइ महाधिवेशन आयोजक समिति बनाइने भएको छ ।