नेपाल मानव अधिकार संगठनले शान्ति प्रक्रियामा ध्यानाकर्षण

लिम्वूवान डट व्लगस्पोट डटकम,काठमाडौं

नेपाल मानव अधिकार संगठनले राष्ट्रसंघिय महासचिव वान कि मुनको नेपाल भ्रमणको अवसर पारेर शान्ति प्रक्रियामा देखा परेका जटिलताबारे ध्यानाकर्षण गराएको छ। संगठनले आज एक विज्ञप्ती जारी गरी अन्मीनको निगरानीमा प्रमाणीकरणमा रहेका जनसेनामा करिब २ हजारको संख्यामा बाल सेना पाइएको भन्दै महासचिवको भ्रमणलगत्तै बाल सैनीक शिविरबाट निकाल्न अन्मीनसंग माग गरेको छ। शिविरमा राष्ट्रसंघले दर्ता गरेर स्टीकर टाँसेका हतियारहरु बाहिरीने गरेको पाइएकोले त्यस्ता घटना दोहोरिन नदिन आग्रह समेत गरेको छ। संगठनका अध्यक्ष सुदिप पाठकद्वारा हस्ताक्षरीत विज्ञप्तीमा माओवादीद्वारा द्वन्द्वकालमा कब्जामा लिइएका घरजग्गा अहिलेसम्म फिर्ता नगरेको तर्फपनि राष्ट्रसंघलाई ध्यानाकर्षण गराइएको छ।