पेट्रोलियम पदार्थमा मूल्य फेरि कमी

लिम्वूवान डट व्लगस्पोट डटकम,काठमाडौं
नेपाल आयल निगम लिमिटेडले डिजेल र मटि्टतेलको मूल्य एउटै कायम गरेको छ । ती दुवै पदार्थको मूल्य अब प्रति लिटर ६५ रुपैयाँ कायम भएको छ । लामो समयदेखि डिजेल र मटि्टतेलको मिसावटसम्बन्धी गुनासो खेप्दै आएको निगमले शनिबार बेलुका पत्रकार सम्मेलन गरी ती दुवै पदार्थको मूल्य एउटै कायम गरिएको जानकारी दिएको हो ।निगमले पेट्रोलको पनि हालको मूल्यमा पाँच रुपैयाँ घर्टाई प्रतिलिटर ९० रुपैयाँ कायम गरेको छ । अन्तर्राष्ट्रिय बजारमा कच्चा तेलको मूल्यमा आएको गिरावटलाई ध्यानमा राखी त्यसको लाभ उपभोक्ताले पाउन् भन्ने उद्देश्यले मूल्य घटाइएको निगमले जनाएको छ । निगमले हवाई इन्धनमा पनि प्रतिलिटर पाँच घर्टाई ९५ रुपैयाँ नयाँ मूल्य कायम गरेको छ ।सधैँ मूल्य बढाएर आम उपभोक्ताको आलोचना खेप्दै आएको निगमले एक महिनाभित्र दोस्रो पटक पेट्रोलियम पदार्थको मूल्य घटाएको हो । निगमले हरेक अङ्गे्रजी महिनाको ३ तारिखमा अन्तर्राष्ट्रिय बजारको मूल्यअनुरूप पेट्रोलियम पदार्थको मूल्य समायोजना गर्ने प्रतिबद्धता पनि जनाएको छ ।निगमले खाना पकाउने एलपी ग्याँसको मूल्यमा भने निगमलाई प्रति सिलिन्डर ३६१ रुपैयाँ घाटा रहेको जनाएको छ । त्यसको मासिक घाटा २८ करोड रुपैयाँ भएको पनि सम्मेलनमा जानकारी दिइयो । निगमले गरेको मूल्य समायोजनपछि सम्पूर्ण पेट्रोलियम पदार्थको बिक्रीबाट मासिक ३५ करोड रुपैयाँ नाफा हुने जानकारी दिएको छ ।