ज्वाला सिंह समूहले सरकारसँग वार्ता गर्न तयार

लिम्वूवान डट व्लगस्पोट डटकम,काठमाडौं

जनतान्त्रिक तराइ मुक्तिमोर्चा, ज्वाला सिंह समूहले सरकारसँग वार्ता गर्न तयार रहेको भन्दै चारवटा सर्त अघि सारेको छ । अध्यक्ष ज्वाला सिंहले विज्ञप्ती जारी गरी सरकारसँग वार्ता गर्न तयार रहेको जनाएका हुन् । मोर्चाका नेता तथा कार्यकर्ताहरुलाई रिहा गरी झुटा मुद्दाहरु फिर्ता लिनुपर्ने, सरकारले युद्धविराम गर्नुपर्ने माग राखेका छन् ।वार्ता टोलीको सुरक्षाको पूर्ण ग्यारेन्टी लिनुपर्ने र तराइको गाउँ गाउँमा रहेको सेना, प्रहरी र सशस्त्र सुरक्षाकर्मीलाई सदरमुकाम फिर्ता गर्नुपर्ने सर्त राखेका छन् । तीस दिनभित्र यी मागहरु पूरा गरे मोर्चाको तर्फबाट वार्ता टोली गठन गरी वार्ता गर्न तयार रहेको ज्वाला सिंहले विज्ञप्तीमा उल्लेख गरेका छन् ।