सरकारलाई पूर्ण सहयोग गर्ने अमेरिकी प्रतिवद्धता

लिम्वूवान डट व्लगस्पोट डटकम,काठमाडौं
दक्षिण एसिया हेर्ने अमेरिकी विदेश सहायकमन्त्री रिचर्ड बाउचरले अमेरिकाले निर्वाचित सरकारलाई पूर्ण सहयोग गर्ने प्रतिबद्धता व्यक्त गर्नुभएको छ । माओवादी पार्टीसँगको सम्बन्धबारे भने अझै हेरेपछि मात्र परिवर्तन हुनसक्ने धारणा उहाँले व्यक्त गर्नुभएको छ ।विश्व बैंक र अन्तर्राष्ट्रिय मुद्रा कोष समूहको वार्षिक बैठकमा भाग लिन अमेरिका पुग्नुभएका अर्थमन्त्री बाबुराम भट्टराइसँग वासिङटनमा भएको कुराकानीमा बाउचरले अमेरिकी धारणा राख्नुभएको समाचार संस्थाहरुले जनाएका छन् ।वैठकमा बाउचरले भन्नुभयो- संविधानसभा निर्वाचनमा एमालेले बढी स्थान जित्छ भन्ने अनुमान भए पनि माओवादीले जितेकामा अचम्मित परेका छौं, हामी निर्वाचित सरकारलाई सहयोग गर्छौं तर पार्टीसँगको सम्बन्ध सुधारमा भने अझ पर्खेर हेर्छौं ।'माओवादी पार्टी र अमेरिकाको एक्जुकेटिभ अर्डर अन्तर्गत अझै आतंकवादी संगठनको सूचीमा छ । केही दिनअघि राष्ट्रसंघको बैठकमा भाग लिन न्युयोर्क जानुभएका प्रधानमन्त्री पुष्पकमल दाहालले पनि बाउचरसँग छलफल गर्नुभएको थियो । प्रधानमन्त्रीले माओवादीलाई आतंककारी समूहको सूचीमा नराख्न आग्रह गर्नुभएको थियो ।