एमालेमा आठौं महाधिवेशनबारे विवाद

लिम्वूवान डट व्लगस्पोट डटकम,काठमाडौं
नेकपा एमाले केन्द्रिय कमिटी बैठकमा आठौ महाधिवेसनका लागि अहिलेको केन्द्रिय समिति विघठन गरेर आयोजक समिति बनाउने विषयमा विवाद उत्पन्न भएको छ । महासचिव झलनाथ खनालले आठौ महाधिवेसनका लागि आयोजक समितिको प्रस्ताव राख्नुभएको थियो भने वैठकमा बोल्ने अधिकांश सदस्यहरुले असहमति जनाएको बताइएको छ ।महासचिव खनालको प्रतिवेदनमा रहेको महाधिवेशन बारेको एजेन्डामा छलफलपछि आज सोमबारै त्यसको टुङगो लाग्ने बताइएको छ । एमालेको आठौ महाधिवेशन आगामी फागुन ५ देखि १० गते सम्म काठमाडैंमा हुँदैछ । त्यस्तै वैठकमा पार्टी पुनर्गठन र सुदृढीकरणका विषयमा पनि छलफल हुने जनाइएको छ ।सरकारमा आफ्नो उपस्थितिलाई थप बलियो बनाउने विषयमा पनिे वैठकमा छलफल हुने नेताहरुले जनाएका छन् । २० पृष्ठ लामो महासचिव खनालको प्रतिवेदनमा सरकारको कामको मूल्याङकन, माओवादी उग्रवामपन्थी भडकाउ, महाधिवेशन, राष्ट्रिय कार्यकर्ता भेला, संगठन सुदृढीकरण लगायतका ७ वटा विषय मुख्य रुपमा उठाइएका छन् ।