कैलालीमा बम बिष्फोट तीनको मृत्यु , पाँच घाइते

लिम्वूवान डट व्लगस्पोट डटकम,काठमाडौं

धनगढी , भदौ २१ - कैलालीको मलाखेती गाविस वडा नं ८ स्थित हर्क बहादुर महत्ताको घरमा आइतबार बम बिस्फोट हुदा तीन जनाको घटनास्थलमै मृत्यु भएको छ । ५ जना गम्भीर घाइते भएका छन ।
जिल्ला प्रहरी कार्यालयका प्रमुख उत्तम बहादुर सिंहका अनुसार भगौडा आर्मी लाल बहादुर बोहराले ल्याएको सकेट बम साँझ साढे पाच महत्ताको घरको आगनमा विष्फोट भएको हो । उनले छिमेकीलाई बम देखाएर त्यसको प्रयोगको बारेमा जानकारी दिदै गर्दा उक्त बम विष्फोट भएको थियो । बिष्फोटनमा मलाखेती ८ निवासी ८ बर्षे मनिषा ओली , १२ बर्षे कविता बोहरा , र २३ बर्षे चक्र बिकको मृत्यु भएको छ । गम्भीर घाइते ३८ बर्षे लाल बहादुर बोहरा , २८ बर्षे टेक बहादुर साउद , साढे तीन बर्षे बालक सुदिप देउवा , ३० बर्षे लक्ष्मि देउवा , र ३० बर्षे बिमलादेवी ओली छन । बिमला देवीको उपचार अत्तरियाको पदमा अस्पतालमा भइरहेको छ भने बाँकी ४ जनालाई उपचारको लागी नेपालगञ्ज लगिएको छ । पूर्व सैनिक बोहरा आफै पनि घाइते भएकाले बम कहाबाट र किन ल्याइएको हो भन्ने प्रस्ट भएको छैन् । हर्क बहादुर महत्ताले छिमेकी पूर्व सैनिक बोहराले छिमेकीलाई घर आगमनमा बम देखाउदै गरेको भएपनि आफुहरु घर भित्र टिभी हेरेर बसेको बयान प्रहरीलाई दिएका छन ।