News

Nov 12, 2011

मलेसियामा २ सय ३५ नेपालीले ज्यान गुमाए

लिम्वूवान डट व्लगस्पोट डटकम,काठमाडौं
क्वालालम्पुर, कार्तिक २६ - धन कमाउने उद्देश्यले मलेसिया आउने नेपालीमध्ये गएको दश महिनायता (जनवरी–अक्टोबर) विविध कारणले २ सय ३५ जना नेपालीले ज्यान गुमाएका छन् । यहाँ सडक दुर्घटना, औद्योगिक दुर्घटना, आत्माहत्या तथा पहिचान नभएका अज्ञात रोगका कारण नेपालीहरुको मृत्यु हुने गरेको छ । यहाँस्थित नेपाली दुतावासको तथ्यांक अनुसार यो बर्ष वितेको दशमहिनायता मृत्यु भएकाको संख्या सन् २००३ देखि यताकै उच्च हो । सन् २००३ मा १०१ र २००४ मा १५२ नेपालीले ज्यान गुमाएका थिए । त्यसैगरी २००५ मा १८९ र २००६ मा १९६ जनाले विविध कारणले ज्यान गुमाएको दखीन्छ । यसरी ज्यान गुमाउने नेपालीको संख्या सन् २००७ मा भने निकै बढेको पाइन्छ । उक्त बर्ष २५२ जनाले ज्यान गुमाएका थिए । सन् २००७ मा उच्च भएको यो संख्या सन् २००८ देखि १० सम्म क्रमशः घटेको देखिन्छ । सन् २०१० मा २१० नेपालीको ज्यान गुमेको थियो । यसबर्ष शुरुमा अर्थात् जनवरीमा सबैभन्दा बढी अर्थात् ३० जनाको ज्यान गुमेको थियो । तीमध्ये सडक दुर्घटनामा परी ५, आत्महत्या गर्नेको संख्या ४ र बाँकी अन्यले विविध कारण ज्यान गुमाएका थिए ।
दुतावासका श्रम सहचारी सूर्य प्रसाद भण्डारीका अनुसार, सडक पार गर्दा वा सडक छेउ हिँड्डुल गर्ने सामान्य ज्ञान समेत नहुँदा कतिपयले सडक दुर्घटनामा परी अकालमा ज्यान गुमाउनु परेको छ । यो बर्ष जुलाईदेखि अक्टोबरसम्मको अवधिमा औद्योगिक दुर्घटनामा परी ज्यान गुमाउनेको संख्या शून्य छ । तर जनवरीमा ३० जनाले ज्यान गुमाएका थिए । तीमध्ये १९ जना पहिचान नभएका वा अज्ञात रोगका शिकार भएका छन् ।
दुतावासको तथ्यांकलाई आधार मान्दा मलेसियामा प्रत्येक साता ५ नेपालीको मृत्यु हुने गरेको देखीन्छ । यसरी मृत्यु हुनेहरुमध्ये धेरैको सुतेकै अवस्थामा तथा अन्य अज्ञात रोगका कारण ज्यान जाने गरेको पाइएको छ । यीमध्ये प्रमुख कारक भने अज्ञात रोग नै बन्ने गरेको देखिन्छ । तर लामै समय रोगको शिकार वा ‘क्रोनिक डिजिज’ का कारण ज्यान गुम्नेको संख्या भने न्यून छ । मलेसियमा सन् २००३ यता करिब ९ बर्षको अवधिमा १७ सय ३५ जना नेपालीले ज्यान गुमाइसकेका छन् ।

No comments: