News

Nov 16, 2011

लडाकु पुर्नवर्गीकरण प्रकृया आजदेखि सुरु हुँदै

लिम्वूवान डट व्लगस्पोट डटकम,काठमाडौं
चितवन, कात्तिक ३० -सेना समायोजनका लागि लडाकु पुर्नवर्गीकरण प्रकृया आजदेखि सुरु हुँदैछ। देशका सात शिवरमा समायोजन मिति पर्खेर विगत पाँचवर्षदेखि बसिरहेका लडाकुहरुको पुनर्वर्गीकरणको तयारी तिब्र बनेको शिविर कार्यालयहरुले जनाएका छन्। पुर्नवर्गीकरणका लागि आवश्यक तयारी अन्तिम चरणमा पुगेकाले टोली आउनासाथ वर्गीकरण कार्य शुरु हुने शिविरस्रोतको भनाई छ। चितवनको शक्तिखोर स्थित तेस्रो डिभिजनमा रहेका लडाकुहरुको पुनवर्गीकरणको तयारी पनि अन्तिम चरणमा पुगेको शिविर व्यवस्थापन समिति चितवनले जनाएको छ। 'पाल टाँग्ने अफिस राख्नेजस्ता काम सकिएको छ,' समितिका व्यवस्थापक शरदचन्द शर्माले भने, 'सचिवालय टोली आएपछि कसरी गर्ने प्रकृया तय हुन्छ।'लडाकु पुर्नवर्गीकरणका लागि आजै सेना समायोजन विशेष समिति मातहतको सचिवालय संयोजकको नेतृत्वमा ४० सदस्यीय टोली आउँदैछ। 'अपरान्हसम्ममा आइपुग्ने खबर छ, हामी आफ्नो तयारी गरिरहेका छौ,' शिविरका प्रवक्ता जनक विष्टले भने। विशेष समिति मातहतको सचिवालय समितिका संयोजक वालानन्द शर्माको नेतृत्वमा वर्गीकरण गर्ने टोली आउन लागेको हो। पुनर्वर्गीकरणका लागि सातै डिभिजनमा आजै टोली जानेसंयोजक बालानन्द शर्माले जानकारी दिए।
एमाओवादी उपाध्यक्ष मोहन वैद्यले समायोजनमा सहभागि नहुन गरेको अपिलले पुर्नवर्गीकरणमा कुनै असर नगर्ने प्रवक्ता विष्टले बताए। पार्टीको फरक मतको कुरा भएकाले लडाकुसँग भन्दा पनि पार्टीसँग वैद्यको अपिल सम्बन्धित भएको उनको भनाई छ। पुनवर्गीकरणमा जाने लडाकुहरुका लागि शिविरले आवश्यक प्रशिक्षण दिइसकेको समेत उनले जानकारी दिए। पुर्नवर्गीकरणका लागि आउने टोलीहरुलाई पनि प्राविधिक सहितका प्रशिक्षण दिइएको सचिवालय टोलीले जनाएको छ। प्राविधिक टोलीलाई सेना समायोजन, पुनःस्थापना र स्वेच्छिक अवकाशका बारेमा लडाकुको सङ्ख्या अनुपातका आधारमा विभाजन भैसकेको र सोही अनुसार शिविरमा टोली पुग्ने संयोजक बालानन्द शर्माले नागरिकलाई बताए। चौथो डिभिजन नवलपरासीमा भने सचिवालय टोलीका सनानन्द शर्मा कुर्मी र तेजबहादुर वलीको टोलीले पुर्नवर्गीकरणको नेतृत्व गर्ने भएका छन।
तेस्रो डिभिजन चितवनस्थित शिविरमा तीन हजार ९७२,नवलपरासीस्थित चौथो डिभिजनमा तीन हजार ३९, पहिलो डिभिजन इलामस्थित शिविरमा एक हजार ९३०,दोस्रो डिभिजन सिन्धुलीमा एक हजार ६ सय५८, कैलालीस्थित पाचौं डिभिजनमा शिविरमा तीन हजार ३१० र सुर्खेतस्थित छैठौ डिभिजनमा तीन हजार ८८, रोल्पाको दहवन स्थित सातौ डिभिजनमा दुई हजार ४ सय २८ रहेका छन्। राजधानी काठमाडौँमा विभिन्न नेताको सुरक्षार्थ खटिएका १ सय ५३ जना लडाकु समेत हाल शिविरमै छन।

No comments: