News

Nov 25, 2011

रक्सी पिउने २२ प्रहरी निलम्बित

लिम्वूवान डट व्लगस्पोट डटकम,काठमाडौं
बाँके , मंसिर ८,शान्ति सुरक्षाका लागि खट्ने प्रहरीकै आचरण खराब भएपछि के हुन्छ ? अन्यत्र त के हुन्छ कुन्नि, यहाँचाहिँ कारबाही हुन थालेको छ । हो, जाँडरक्सी पिएको अभियोगमा चार महिनायता जिल्ला प्रहरीले २२ प्रहरीलाई निलम्बनै गरेको छ । त्यस्तै 'प्रभावकारी ढंगले काम नगरेको' भन्दै २३ जनामाथि कारबाही भएको छ । प्रहरीले अरूलाई समाउँछन् । यहाँ एक जना प्रहरी नै पक्राउ परेका छन् । नेपालगन्जको सदरलाइनस्थित नगर भवन बिटमा कार्यरत हवल्दार गिरिराज बिसीले मदिराको झोंकमा स्थानीय रेडियोकर्मी ओबीराज आचार्यलाई कुटपिट गरेका थिए । प्रहरी हिरासतमा राखिएका ती हवल्दारमाथि कारबाही प्रक्रिया अघि बढाएको बाँके प्रहरी प्रमुख दिनेश अमात्यले जानकारी दिए । रेडियोबाट डेरा फर्किरहेका आचार्यलाई हवल्दार बिसीले मंगलबार राति लखेटेर कुटेका थिए । उनको आँखामा चोट लागेको छ । कहिलेकाहीं ड्युटीमा रहेका प्रहरीले हतियार फालेर सुत्ने गरेको समेत पाइएको र अनुशासनमा राख्न कडाइ गरिरहेको अमात्यले बताए ।

No comments: