संविधान संशोधनमा कांग्रेसद्वारा ह्विप

लिम्वूवान डट व्लगस्पोट डटकम,काठमाडौं

कार्तिक २४ - कांग्रेस संसदीय दलको कार्यालयले आफ्ना सभासदलाई शुक्रबार व्यवस्थापिका संसद्मा अनिवार्य उपस्थित भई संविधान संशोधनको प्रस्तावको पक्षमा मतदान गर्न ह्विप जारी गरेको छ । कांग्रेस मुख्य सचेतक लक्ष्मण घिमिरेले बुधबार सूचना मार्फत ह्विप जारी गरेका हुन् । संसद्को शुक्रबारको बैठकमा अन्तरिम संविधानको एघारौं संशोधन प्रस्तावमा मतदान हुँदै छ । संविधानमा राज्य पुनःसंरचना आयोग गठन गर्ने व्यवस्थाको साटो राज्य पुनःसंरचनाका सन्दर्भमा सुझाव दिन विशेषज्ञ समिति गठन गर्ने प्रस्ताव बैठकमा प्रस्तुत हुँदै छ ।