News

Nov 4, 2011

१३ विद्यार्थी सङ्गठनद्वारा भाडादर वृद्धि फिर्ता लिन सरकारसँग माग

लिम्वूवान डट व्लगस्पोट डटकम,काठमाडौं
कात्तिक १८-१३ विद्यार्थी सङ्गठनले वृद्धि गरिएको भाडादर फिर्ता लिन सरकारसँग जोडदार माग गरेको छ। अखिल क्रान्तिकारीको कार्यालयमा बसेको बैठकले जनताको दैनिकी असाध्यै कष्टकर बनाउने यो सरकारी निर्णयको घोर भर्त्सना पनि गरेको छ। उनीहरुले संयुक्त प्रेस विज्ञप्ति जारी गर्दै आम विद्यार्थीलाई ग्यास र मट्टितेलमा न्युनतम ५० प्रतिशत सहुलियतको निम्ति रासन कार्डको व्यवस्था गर्न पनि माग गरेका छन्। यसरी वक्तव्य जारी गर्नेमा अखिल क्रान्तिकारी, नेविसङ्घ, अनेरास्ववियु, नेक्राविसङ्घ, अखिल एकीकृत, अखिल पाँचौं, अखिल छैटौं, तमविफन्ट, नेराविफ, मधेसी विद्यार्थी फोरम नेपाल, मधेसी विद्यार्थी फ्रन्ट लोकतान्त्रिक, नेविमञ्च र विद्यार्थी मञ्च छन् ।

संयुक्त प्रेस विज्ञप्ति
आज मिति २०६८ कार्त्तिक १८ गते देशका जिम्मेवार १३ विद्यार्थी संगठनको वैठक अखिल (क्रान्तिकारी)को केन्द्रीय कार्यालय बागवजारमा सम्पन्न भयो। बैठकका निर्णयहरु जानकारीका लागि यो वक्तव्य जारी गरिएको छ।
१. सरकारले वैज्ञानिक भाडादर कायम नै नगरी फेरि सार्वजनिक यातायातको भाडा वृद्धि गर्ने काम गरेको छ। एकाएक १० प्रतिशत भन्दा बढी भाडा बृद्धि गरी आधारभूत जनताको दैनिकी असाध्यै कष्टकर बनाउने सरकारको यो निर्णय प्रति १३ विद्यार्थी संगठन घोर भर्त्सना गर्दछ। यसर्थ तत्काल बृद्धि गरिएको भाडादर फिर्ता लिन नेपाल सरकारसंग जोडदार माग गर्दछ।
२. सार्वजनिक यातायातको भाडादरको सम्बन्धमा विज्ञहरु र सरोकारवालाहरुलाई समेटेर वैज्ञानिक भाडा निर्धारण कार्यदल बनाई देशैभरि वैज्ञानिक भाडादर कायम गर्न हामी जोडदार माग गर्दछौं।
३. काठमाडौं उपत्यका लगायत देशका प्रमुख सहरहरुको हकमा न्यूनतम दुरी ६ कि मि भएकोले त्यसलाई खण्डित गरेर २–२ किमिका दरले न्युनतम दुरी कायम गरी वैज्ञानिक भाडा कायम गर्न हामी जोडदार माग गर्दछौं।
४. नेपाल सरकारले यस अघि नै १३ विद्यार्थी संगठनसंग विद्यार्थीहरुलाई ४५ प्रतिशत सहुलियतको व्यवस्था गरेकोमा त्यसको अनिवार्य क्रियान्वयनको लागि जोडदार माग गर्दछौं।
५. आम विद्यार्थीहरुलाई ग्याँस र मट्टीतेलमा न्यूनतम ५० प्रतिशत सहुलियतको निम्ति रासन कार्डको व्यवस्था गरियोस।

No comments: