पार्टीले कव्जा गरेका घर जग्गा फिर्ता नगर्ने

लिम्वूवान डट व्लगस्पोट डटकम,काठमाडौं

एकीकृत नेकपा माओवादीको बैध समुहले चितवनमा पार्टीले कव्जा गरेका घर जग्गा फिर्ता नगर्ने जनाउदै वल प्रयोग गरिए त्यसको शसक्त प्रतिकार गर्ने जनाएको छ । अखिल नेपाल सुकुम्बासी संघ र अखिल नेपाल किसान संघ (क्रान्तिकारी)ले आइतबार बिहान भरतपुरमा पत्रकार सम्मेलन गरी आफूहरुको कब्जामा रहेका घरजग्गा फिर्ता नगर्ने बताएका हुन् । कब्जा गरिएका जग्गामा अहिले हजारौं सुकुम्बासी बसोबास गरिरहेका छन् । भूमिहीन तथा सुकुम्बासीहरुका समस्या समाधान नगरेसम्म कब्जा गरिएका जग्गा फिर्ता नहुने सुकुम्बासी संघका अध्यक्ष नरबहादुर गौतमले बताए । भूमिहीनहरुका समस्या समाधान नै नगरी सरकारले कब्जा सम्पत्ति फिर्ता गर्ने गलत निर्णय गरेको किसान संघ क्रान्तिकारीका सदस्य भूमिश्वर कँडेलले बताए ।