चार राज्य मन्त्रीको सपथ पछि मन्त्रीहरुको संख्या ४९

लिम्वूवान डट व्लगस्पोट डटकम,काठमाडौं

कार्तिक २७ - प्रधानमन्त्री बाबुराम भट्टराईले हालसम्मकै सबैभन्दा ठूलो मन्त्रिपरिषद्को गठन गरेका छन् । आइतवार चार राज्य मन्त्रीको सपथ पछि मन्त्रीहरुको संख्या ४९ पुग्ने छ । आइतबार प्रधानमन्त्री कार्यालय सिंहदरबारमा उनले चार जना राज्यमन्त्रीहरुलाई सपथ खुवाए । नयाँ राज्य मन्त्रीहरुमा ओमप्रकाश यादव– कृषि, खोवरी राय यादव– उद्योग र सरिता कुमारी साह– संचार राज्यमन्त्रीमा सपथ खुवाएका हुन् । यसैगरी यसअघि नै महिला राज्यमन्त्री भएका अरविन्द साहलाई पनि आइतवार नै सपथ खुवाइएको छ । प्रधानमन्त्री भट्टराईले केही दिन अगाडि गठन गरेको मन्त्री मण्डल र नयाँ अनुहार समेत थप गरेर मन्त्रीको संख्या ४९ पुगेको छ । अव सबै भन्दा जम्बो मन्त्री मण्डल गठन गर्ने प्रधानमन्त्रीको उपाधी भट्टराईले पाएका छन् । यसअघि जम्बो मन्त्री मण्डल गठन गर्ने शेरबहादुर देउवा प्रधानमन्त्री कालमा ४८ जनाको रहेको थियो । यो रेकर्ड प्रधानमन्त्री भट्टराईले आइतवार तोडेका हुन् ।