प्रहरी बढुवामा अनियमितता भएको भन्दै गृह मन्त्रीसँग फाइल माग

लिम्वूवान डट व्लगस्पोट डटकम,काठमाडौं

कात्तिक २७ - संसदको राज्य व्यवस्था समितिले उप प्रधान तथा गृह मन्त्री विजयकुमार गच्छदारसँग नेपाल प्रहरी र सशस्त्र प्रहरीको विशिष्ट पदमा गरिएको बढुवाको मापदण्ड र अपनाइएको कार्यविधि समितिलाई बुझाउन निर्देशन दिएको छ। बढुवामा अनियमितता भएको भन्दै समितिले सात दिनभित्र उक्त 'डकुमेन्ट' माग गरेको हो। बढुवा गरिएका विभिन्न पदका लागि सम्भावित उमेदवारहरुको सूची, उनीहको नियुक्तीको मिति, हालसम्मको काम गरेको स्थान र समय, उनीहरुले प्राप्त गरेका तालिम, प्रशिक्षणबारे जानकारी माग गरिएको छ। त्यस्तै विभुषण लगायत कार्य सम्पादनको शिलशिला पाएको पुरस्कार दण्ड र नसियत पाएको भए त्यसबारे पनि पूर्णरुपमा विवरण पठाउन निर्देशन दिइएको छ। समितिको बैठकमा सभासदहरुले बढुवामा बरिष्ठलाई पन्छाएर कनिष्ठलाई अघि बढाएको भन्दै गृह मन्त्रीको आलोचना गरेका थिए।