सरकार र लिम्बुवानबीच आज वार्ता हुँदै

लिम्वूवान डट व्लगस्पोट डटकम,काठमाडौं

ताप्लेजुङ, कात्तिक ३०- नेपाल सरकारले सङ्घीय लिम्बुवान् राज्य परिषद्सँग आज वार्ता गर्ने भएको छ। आज दिउँसो १ बजे शान्ति तथा पुनःनिर्माण मन्त्रालयमा वार्ता हुने तयारी भएको शान्ति तथा पुनः निर्माणमन्त्री सत्य पहाडीद्वारा परिषद्लाई जारी पत्रमा उल्लेख छ। पत्रमा पाँचजनासम्मको वार्ता टोली गठन गरी आउन भनिएको परिषद् बताएको छ। यसैबीच, सङ्घीय लिम्बुवान् राज्य परिषद्ले केन्द्रीय अध्यक्ष सञ्जुहाङ पालुङवाको संयोजकत्वमा वार्ता टोली गठन गरेको छ। मुलुकका विभिन्न भागमा क्रियाशील राजनीतिक दलका मागलाई वार्ताकै माध्यमबाट समाधान गर्ने प्रयासस्वरुप वार्तामा आउन आह्वान गरिएको पत्रमा उल्लेख छ। लिम्बुवान् राज्य परिषद्ले ऐतिहासिक पृष्ठभूमिका आधारमा पूर्वी नेपालका नौ वटा जिल्लालाई लिम्बुवान् राज्य घोषणा गर्नुपर्ने माग गर्दै आन्दोलन गर्दैआएको छ।