सात मन्त्री र झण्डै एकदर्जन राज्य मन्त्री नियुक्त

लिम्वूवान डट व्लगस्पोट डटकम,काठमाडौं

कार्तिक २२ - प्रधानमन्त्री बाबुराम भट्टराईले मंगलबार पुनः मन्त्रिपरिषद् विस्तार गरेका छन् । आफ्नै पार्टीको बैद्य पक्ष सहभागी नभएपछि सार्क शिखर सम्मेलनमा भाग लिन जानु अघि प्रधानमन्त्री भट्टराईले सात मन्त्री र झण्डै एकदर्जन राज्य मन्त्री नियुक्त गरेका छन् । यो सँगै मन्त्री परिषद् ४६ सदस्य भएको छ ।लोकतन्त्रको पुर्नवहालीपछि बनेका सरकारहरुमध्ये सबै भन्दा धेरै मन्त्रीहरु अहिलेको सरकारमा भएको छ । प्रधानमन्त्रीले नव नियुक्त मन्त्रीलाई मंगलबारै पद तथा गोपनीयताको सपथ ग्रहण गराएका छन् । नव नियपुक्त मन्त्रीलाई राष्ट्रपति रामवरण यादवको अपस्थितिमा शीतल निवासमा प्रधानमन्त्रीले सपथ खुवाएका हुन् । राज्यमन्त्रीहरुलाई भने प्रधानमन्त्री कार्यालय सिंहदरबार सपथ खुवाइयो । प्रधानमन्त्रीले आफ्नो पार्टीबाट ६ र साना दलका तर्फबाट १ जनालाई थपेका छन् । शपथग्रहण गर्ने मन्त्रीहरूमा दीनानाथ शर्मा शिक्षा, लोकेन्द्र विष्टमगर पर्यटन तथा नागरिक उड्डयन, भीमप्रसाद गौतम भूमिसुधार तथा व्यवस्था, रामकुमार यादव सामान्य प्रशासन, सरिता गिरी श्रम तथा यातायात, कल्पना धमला विज्ञान तथा प्रविधि र सत्य पहाडी शान्ति तथा पुनःनिर्माण छन् ।

राज्यमन्त्रीहरुको नामावली

रामबच्चन अहिर यादव- रक्षा

सरोजकुमार यादव- स्वास्थ्य

दीलिप महर्जन- पर्यटन

विष्णु चौधरी- वाणिज्य आपूर्ति

सूर्यमान डोङ- उर्जा

लिला भण्डारी- शिक्षा

गोपी अछामी- युवा तथा खेलकुद

घनश्याम यादव- स्थानीय विकास

ज्वाला साह- भूमिसुधार

सुष्मा शर्मा- संघीय मामला

हरि खेवा लिम्बु- अर्थ

सुनिता कुमारी महतो- सामान्य प्रशासन

भीमराज चौधरी राजवंशी - गृह

लक्ष्मण मेहता- वन

दूर्गादेवी महतो धानुक- वातावरण

श्रमती काशी देवी झा- कानुन तथा न्याय

ईश्वर दयाल मिश्र- भौतिक योजना तथा निर्माण

अरविन्द साह- महिला तथा बालबालिका

रमणि राम- सिंचाई