पारिश्रमिक नबढाए आन्दोलनको चेतावनी

लिम्वूवान डट व्लगस्पोट डटकम,काठमाडौं

कास्की , मंसिर ८,सरकारले तोकेको न्यूनतम पारिश्रमिक नदिए नेपाल ट्रेड युनियन महासंघ -जिफन्ट) ले एक साताभित्र पोखराका होटल बन्द गर्ने चेतावनी दिएको छ । सरकारले आठ महिनाअघि होटल मजदुरका लागि तोकेको पारिश्रमिक दिन व्यवसायीले आनाकानी गरेपछि मजदुरहरू विरोधमा उत्रिएका हुन् । सुरुमा कार्यान्वयनका लागि दबाब सिर्जना गर्ने र अटेर गरेमा आन्दोलन गरी होटल नै बन्द गराउने जिफन्टले जनाएको छ ।सरकारले ०६७ साल चैत १ गते ४ हजार ६ सयमा १ हजार ६ सय थप गरी मजदुरको पारिश्रमिक ६ हजार २ सय तोके पनि पोखराका तीन बाहेक अन्य होटलहरूले कार्यान्वयन नगरेपछि मजदुरहरू आन्दोलित भएका हुन् । दोस्रो सम्झौता हालै मात्र प्रधानमन्त्री बाबुराम भट्टराईको अध्यक्षतामा भएको थियो । पहिलो पटक सम्झौता हुँदा विरोध जनाएको नेपाल उद्योग वाणिज्य महासंघले दोस्रो पटक भने सहमति जनाएको हो ।