अमेरिकाले आतंककारीको सूचीबाट माओवादीलाई हटाउने

लिम्वूवान डट व्लगस्पोट डटकम,काठमाडौं

संयुक्त राज्य अमेरिकाले आतंककारीको सूचीबाट एकीकृत नेकपा माओवादीलाई हटाउने प्रक्रिया सुरु गरेको अमेरिकी सहायक मन्त्री रोवर्ट ब्लाकले बताएका छन्। अमेरिकी सहायक मन्त्री रोवर्ट ब्लाकले दक्षिण एशियाली सयोग संगठन (सार्क)को १७औँ शिखर सम्मेलनमा सहभागी हुन माल्दिभ्स पुग्नु भएका प्रधानमन्त्री डा.बाबुराम भट्टराईलाई भेटेर आतंकाकारी सूचीबाट हटाउने प्रक्रिया सुरु भइसकेको बताएका हुन् । भेटका अवसरमा ब्लाकले आतंकाकारी सूचीबाट माओवादीको नाम छिट्टै हट्ने बताए । सहायक मन्त्री ब्लाकले दलहरुबीच भएको सातबुँदे सहमतिले माओवादीलाई आतंककारीको सूचीबाट हटाउने वातावरण बनेको बताएका थिए । प्रधानमन्त्रिका स्वकिय सचिव विश्वदिप पाण्डेका अनुसार भेटमा ब्लाकले वर्तमान सरकारप्रति अमेरिकाको पूर्ण समर्थन रहेको जानकारी दिएका थिए।माल्दिभ्सको अड्डु सिटी स्थित सांग्रीला रिसोर्टमा प्रधानमन्त्री भट्टराई र सहायक मन्त्री रोवर्ट ब्लाक बिच भेट भएको थियो।