बिराटनगरमा लिम्बुवानको पहिलोपल्ट लाखौंको विशाल आमसभा हुदै

लिम्वूवान डट व्लगस्पोट डटकम,काठमाडौं/नबराज काम्बाङ्ग

हङकङ, ७ नोभेम्बर २०११,संघीय लोकतान्त्रिक गणतन्त्र नेपालको संविधानमा सङ्खुवाखोला-अरुण-सप्तकोशीपूर्वको नौं जिल्लाहरू सङ्खुवासभा, धनकुटा, सुनसरी, मोरङ, झापा, इलाम, पान्थर, ताप्लिजोङ र तेह्रथुमलाई जातीय ऐतिहासिक पृष्ठभूमिको आधारमा आत्मनिर्णयको अधिकार तथा आई. एल. ओ. महासन्धि १६९ र यूएनडिप अनुसारको विशिष्ट स्वायत्ततासहितको स्वायत्त राज्य घोषणा गराउन २०६८ मंसीर १० गते मोरङ जिल्लाको बिराटनगरमा लिम्बुवान बिशाल आमसभा हुँदैछ । लिम्बुवान स्वायत्त राज्य घोषणा गराउने आन्दोलनलाई थप उचाईमा पुयाउनको लागि संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषद राज्य -केन्द्रीय) कार्य समितिको मिशन जेएमएस कार्यक्रम अर्न्तर्गत राज्य केन्द्रीय कार्य समिति र मोरङ जिल्ला कार्य समितिको संयुक्त रुपमा एकलाख भन्दा बढी जनताको सहभागितामा आमसभा सम्पन्न हुन गइरहेकोछ । उक्त कार्यक्रमलाई सम्पन्न गर्नको लागि विभिन्न उपसमिति निर्माण गरी ब्यापक रुपमा अपील, पोष्टर, वेबसाइटन्यूज, भित्तेलेखन र अन्य मेडियावाट प्रचार-प्रसार भइरहेको छ । यस पल्टको उक्त आमसभा धेरै कोणबाट ऐतिहासिक बनाउनु पर्ने भएकोले संसारभर छरिएका तपाई लिम्बुवानप्रेमी, संघीय गणतन्त्रवादी नेपाली दाजुभाई दिदी वहिनीहरुमा आर्थिक र भौतिक र नैतिक सहयोगको लागि मञ्चसम्बद्ध संघीय लिम्बुवान राज्य परिषद राज्य(केन्द्रीय) कार्य समिति हार्दिक अनुरोध गरिएको छ ।