राज्य पुर्नसंरचना समितिकै प्रतिवेनलाई आधार मान्ने माओवादी निर्णय

लिम्वूवान डट व्लगस्पोट डटकम,काठमाडौं

कार्तिक ३० - माओवादी स्थायी समितिले संविधानसभाको राज्य पुर्नसंरचना तथा राज्य शक्तिको बाँडफाँड समितिले पेश गरेको प्रतिवेदकै आधारमा विज्ञ समितिले काम गर्ने गरी संविधान संशोधन गर्ने निर्णय गरेको छ । माओवादीको बैद्य समूहले समितिको कार्य क्षेत्रलाईसमेत कमजोर बनाउने गरि राज्य पुर्नंसंरचनामा सुझाव दिन विज्ञ समूह गठन गरिए संविधान संशोधनको विपक्षमा मत हाल्ने बताएपछि विवाद समाधान गर्नका लागि बुधबार दिउँसो स्थायी समितिको बैठक बसेको थियो । 'स्थायी समितिले राज्य पुर्नसंरचना समितिको प्रतिवेदनलाई आधारमा मानेर प्राविधिक काम गर्ने गरी बिज्ञ समितिको टीओआर तोक्ने निर्णय गरेको छ' माओवादी स्थायी समिति सदस्य देव गुरुङले भने । माओवादीको वैद्य पक्ष, आदिवासी जनजाति ककसलगायतले राज्य पुर्नसंरचना समितिको प्रतिवेदन र कार्यक्षेत्र संकुचन हुने गरी समिति गठन गर्न नहुने भन्दै संविधान संशोधन प्रस्तावमा संशोधन हालेको छ । 'उक्त प्रतिवेधनको आधारमा काम गर्ने गरी विज्ञ समूह गठन गरे मान्य हुन्छ नत्र हाम्रो संशोधन यथावत रहन्छ' गुरुङले भने । अर्थमन्त्री बर्षमान पुनले पनि पार्टीले समितिको प्रतिवेदनको आधारमा काम गर्ने गरी बिज्ञ समिति गठन गर्ने निर्णय गरेकाले अन्य पक्षहरुसँग पनि छलफल गरेर संविधान संशोधनको प्रकृया अघि बढाइने बताए । माओवादी सचिव सीपी गजुरेलले बैठकपछि समितिको कार्यक्षेत्रलाई हस्तक्षेप हुने गरी विज्ञ समितिको गठन गरे मान्य नहुने बताए ।