'आयोगको सिफारिस सरकारले बेवास्ता गर्‍यो'

लिम्वूवान डट व्लगस्पोट डटकम,काठमाडौं

राष्ट्रिय मानवअधिकार आयोगका अध्यक्ष केदारनाथ उपाध्यायले मानवअधिकार हननमा कारवाहीका लागि आयोगले गरेको सिफारिसप्रति सरकारले बेवास्ता गरेको बताउनुभएको छ । आयोग पश्चिमाञ्चल क्षेत्रीय कार्यालय पोखराद्वारा सुरु भएको मानवअधिकार सञ्चार विषयक तीनदिने तालिम उद्घाटन गर्दै उहाँले अन्तर्राष्ट्रिय मापदण्डअनुरूपको मानवअधिकारको संरक्षण हुनुपर्नेमा जोड दिनुभयो ।नेपाल पत्रकार महासङ्घका क्षेत्रीय संयोजक पुण्य पौडेलले सधैँ जनताको पक्षमा रहेको प्रेसको राज्यले संरक्षण गर्न नसकेको आरोप लगाउनुभयो । तालिममा गण्डकी र धौलागिरि अञ्चलका २८ सञ्चारकर्मीको सहभागिता छ ।