प्रधानमन्त्री दाहाल अमेरिकातर्फ प्रस्थान

लिम्वूवान डट व्लगस्पोट डटकम,काठमाडौं
प्रधानमन्त्री पुष्पकमल दाहाल प्रचण्ड संयुक्त राष्ट्रसङ्घको ६३ औँ महासभामा भाग लिने क्रममा मुलुकको प्रतिनिधित्व गर्दै शनिबार दिउँसो संयुक्त राज्य अमेरिकातर्फ

प्रस्थान गर्नुभएको छ । भ्रमणक्रममा त्यहाँ रहेका नेपालीहरुद्वारा आयोजित विभिन्न कार्यक्रममा उहाँ सरिक हुने जनाइएको छ ।न्यूयोर्कमा अमेरिकी राष्ट्रपति जर्ज डब्लू बुसद्वारा महासभामा सहभागी हुने विभिन्न राज्य तथा सरकार प्रमुखका सम्मानमा आयोजना गरिने स्वागत समारोहमा प्रधानमन्त्री प्रचण्ड सरिक हुने कार्यक्रम छ । प्रधानमन्त्री पत्नी सीता, परराष्ट्र सचिव ज्ञानचन्द्र आचार्य, प्रमुख निजी सचिव शक्तिबहादुर बस्नेत, प्रमुख सचिव डा. भोजराज घिमिरे र सल्लाहकार हीराबहादुर थापा तथा नेपाल उद्योग वाणिज्य महासङ्घका अध्यक्ष कुशकुमार जोशीलगायतको उच्चस्तरीय भ्रमण टोली आगामी असोज १४ गते मंगलबार स्वदेश फर्कने कार्यक्रम छ ।प्रधानमन्त्रीलाई त्रिभुवन अन्तर्राष्ट्रिय विमानस्थलको अति विशिष्ट कक्षमा सभामुख, उपप्रधानमन्त्री एवं गृहमन्त्री, मन्त्रीहरु, सभासद्, संवैधानिक अङ्गका प्रमुख, नेपाल सरकारका उच्चपदस्थ कर्मचारी र कूटनीतिक नियोगका प्रतिनिधिले बिदाइ गरेका थिए ।