दसैंका लागि कोसीमा छवटा जेटबोट चलाइने

लिम्वूवान डट व्लगस्पोट डटकम,काठमाडौं

कोसी तटबन्ध भत्केर क्षतिग्रस्त बनेको राजमागर्गका कारण आवागमन अवरुद्ध भइरहेका बेला कोसी नदी आरपार गर्न यात्रुको सुविधाका लागि सरकारले मोटरबोट सञ्चालन गर्ने भएको छ । यसै साता सञ्चालन गरिने बताइएको मोटरबोट भारतबाट ल्याउन लागिएको सडक विभागले जनाएको छ ।एउटा बोटबाट १० जना यात्रु कोसी तर्न सक्ने जनाइएको छ । कोसी कटानका कारण पूर्वपश्चिम राजमार्गको करिब १४ किलोमिटर क्षेत्र क्षतिग्रस्त भएकाले यातायात गत भदौ २ गतेदेखि सञ्चालन हुन सकेको छैन । यसले गर्दा दैनिक हजारौं यात्रुहरु समस्यामा परेका छन् । भारतीय बाटो हुँदै सवारी साधन पश्चिम नेपालतर्फ जाने क्रम जारी रहे पनि असुरक्षा र लामो अनि झन्झटिलो यात्राले यात्रु समस्यामा परेका छन् ।