कोसीले राजमार्ग बगाएपछि विकल्पका रुपमा डुंगा सञ्चालन

लिम्वूवान डट व्लगस्पोट डटकम,काठमाडौं
कोसी नदीले पूर्वपश्चिम राजमार्गको सुनसरी खण्ड क्षतिग्रस्त पारेपछि आवागमन बन्द भएकाले यात्रुहरु ओसारपसारका लागि विकल्पका रुपमा डुंगा सञ्चालन

गरिएको छ । कोसीले राजमार्ग बगाएपछि एक महिनायता आवागमन बन्द भएको छ । यात्रु तथा सामान ओसारपसार गर्नका लागि डुंगा सञ्चालन गरिएको हो ।लौकहीदेखि सुनसरीको भण्टाबारीसम्म १५ किलोमिटर क्षेत्र पार गर्नका लागि डुंगालाई दुइ घण्टा समय लाग्ने र नाउ सञ्चालकहरूले प्रतिव्यक्ति २ सय रुपैयाँ भाडा लिएर नदी पार गराउने गरेका छन् । उता उदयपुरको रामपुरसम्म जाने चतरा खण्डको बाटो पनि विकल्पका रुपमा प्रयोग भइरहेको छ ।गत भदौ २ गते कोसीको तटबन्ध भत्केपछि नदी सुनसरीका गाउँ छिरेको थियो । बेगसँग बगेको नदीले राजमार्ग क्षतिग्रस्त पारेको थियो । मुख्य गरी चारवटा गाउँ पुरै डुबानमा परेपछि ४० हजारभन्दा बढी बासिन्दा विस्थापित भएका छन् ।