माओवादी सेनालाई नेपाली सेनामा समायोजन गर्न दलहरु असहमत

लिम्वूवान डट व्लगस्पोट डटकम,काठमाडौं

माओवादी सेनालाई नेपाली सेनामा समायोजन गर्ने विषयमा माओवादी बाहेकका दलहरु असहमत देखिएका छन् । बिहीबार राजधानीमा आयोजित कार्यक्रममा सहभागी नेपाली कांग्रेस, एमाले र जनअधिकार फोरमका नेताले सेना समायोजन गर्दैमा शान्ति प्रकृया टुङ्गोमा नपुग्ने बताए ।कार्यक्रममा बोल्दै नेपाली कांग्रेसका प्रबक्ता अर्जुननरसिह केसी माओवादी सेनालाई नेपाली सेनामा समायोजन गर्दा सेनाभित्रै विद्रोह हुन सक्ने औँल्याउनुभयो । नेकपा एमालेका केन्द्रिय सदस्य इश्वर पोखरेलले सेना समायोजन गर्दैमा शान्ति प्रक्रिया टुङ्गोमा नपुग्ने बताउनुभयो । कार्यक्रममा मधेशी जनअधिकार फोरमका सर्वदेव ओझाले कुनै पनि दलको सेनालाई राष्ट्रिय सेनामा समायोजन गर्दा सेनाको अन्तर्राष्ट्रिय छविमा असर पर्ने उल्लेख गर्नुभयो । सैन्यविद इन्द्रजीत राइले सेना समायोजन गर्दा दुबै सेनाको आत्मसम्मानलाई ध्यान दिनुपर्ने बताउनुभयो ।